बॉलिवूडचा बादशहा शाहरुख खान याने कडेकोट सुरक्षा व्यवस्थेत शुक्रवारी पुलवामाला भेट दिली.
श्रीनगर - बॉलिवूडचा बादशहा शाहरुख खान याने कडेकोट सुरक्षा व्यवस्थेत शुक्रवारी पुलवामाला भेट दिली. आगामी ‘डंकी’ चित्रपटाच्या एका गाण्याच्या चित्रीकरणासाठी शाहरुख काश्‍मीरमध्ये आला होता.
‘जब तक है जान’ या चित्रपटासाठी १२ वर्षांपूर्वी त्याने काश्‍मीरला भेट दिली होती. काश्‍मीरमध्ये आल्यानंतर तो थेट सोनमर्गला गेला. तेथील ताजवास भागात मंगळवारी गाण्याचे चित्रीकरण केले. दोन दिवसांनंतर पुढील चित्रीकरणासाठी त्याने श्रीनगर आणि पुलवामाला भेट दिली. अधिकाऱ्यांनी दिलेल्या माहितीनुसार, शाहरुख खान संगम-डोगरीपुरा-पंझगाम रस्त्याने पंझगाम रेल्वे स्थानकावर पोहोचला. तेथे गाण्यावरचे उर्वरित चित्रीकरण पूर्ण केले.
शाहरुख खानच्या काश्‍मीर मुक्कामाची आणि चित्रीकरणाची माहिती सुरक्षेच्या कारणावरून उघड केली नव्हती. जेथे चित्रीकरण सुरू होते, तो भाग नागरिकांसाठी बंद ठेवण्यात आला होता, असेही अधिकाऱ्यांनी सांगितले.
काश्‍मीरमध्ये चित्रीकरण पुन्हा सुरू झाल्यास रोजगार निर्मितीला हातभार लागेल आणि आर्थिक स्थिती सुधारण्यास मदत होईल.
- मनोज सिन्हा, नायब राज्यपाल
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.