Sharad Pawar: दिल्लीत इंडिया आघाडीच्या सभेसाठी विरोधक एकवटले आहेत. विरोधकांनी आज लोकतंत्र वाचवा रॅली काढली. या रॅलीत देशभरातून नेते सहभागी झाली होते. महाराष्ट्रातून शरद पवार, उद्धव ठाकरे यांनी देखील सभेला संबोधित केले. यावेळ शरद पवार यांनी भाजपवर जोरदार टीका केली.
शरद पवार भारत म्हणाले, “...या सरकारने (केंद्र सरकारने) ज्याप्रकारे दिल्लीच्या मुख्यमंत्र्यांना, झारखंडच्या मुख्यमंत्र्यांना अटक केली आहे आणि इतर अनेक राज्यांतील नेत्यांनाही तुरुंगात टाकले आहे. ही कृती म्हणजे लोकशाहीवर हल्ला आहे. त्यामुळे संविधान वाचवण्याची जबाबदारी आपली आहे"
अबकारी धोरणाशी संबंधित एका प्रकरणात अरविंद केजरीवाल अंमलबजावणी संचालनालयाच्या (ईडी) कोठडीत आहेत. त्यामुळे विरोधकांनी भाजपवर हल्लाबोल केला आहे.
काँग्रेस नेते राहुल गांधी यांनी देखील भाजपवर टीका केली. सध्या आयपीएलचे सामने सुरू आहेत. अंपायरवर दबाव टाकून, खेळाडू विकत घेऊन, कर्णधाराला धमकावून सामना जिंकला जातो, त्याला क्रिकेटमध्ये मॅच फिक्सिंग म्हणतात. देशात लोकसभा निवडणुका होणार आहेत. अशा परिस्थितीत पंतप्रधान नरेंद्र मोदी यांनी पंच म्हणून कोणाची निवड केली. सामना सुरू होण्यापूर्वी आमच्या संघातील दोन खेळाडूंना अटक करून आत टाकण्यात आले. मोदी या निवडणुकीत मॅच फिक्सिंग करत आहेत, असा आरोप राहुल गांधी यांनी केला आहे.
अरविंद केजरीवालांच्या पत्नी सुनीता केजरीवाल यांनीही मंचावरून अरविंद केजरीवाल यांचा संदेश वाचून दाखवला. "माझ्या प्रिय भारतीयांनो, तुरुंगातून तुमच्या भावाच्या शुभेच्छा स्वीकारा. मी तुमच्याकडून मते मागत नाही. मी 140 कोटी भारतीयांना नवीन भारत घडवण्यासाठी आमंत्रित करतो. भारत हा एक महान देश आहे, त्याची महान संस्कृती आहे. आपले लोक अशिक्षित का आहेत, ते गरीब का आहेत? मी तुरुंगात आहे, इथे मला विचार करण्याची संधी मिळते," असे केजरीवाल म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
