![Sharad Pawar on Lok Sabha Election Result](http://media.assettype.com/esakal%2F2024-06%2F91ee5635-3a78-4c04-abe5-15f1f6c691bf%2FSharad_Pawar_on_Lok_Sabha_Election_Result.jpg?w=480&auto=format%2Ccompress&fit=max)
लोकसभा निवडणुकीचा निकाल लागला असून भाजपला बहुमत मिळालं नसलं तरी एनडीए सरकार स्थापनेच्या स्थितीत आहेत. राज्यात इंडिया आघाडीने ३० जागा जिंकल्या आहेत तर एनडीएने १७ जागांवर यश मिळवलं आहे. ज्या अजित पवारांनी शरद पवारांना सोडचिठ्ठी देत भाजपसोबत घरोबा केला त्या अजित पवारांना मतदारांनी साथ दिली नाही. अजित पवारांचे पाच उमेदवार निवडणुकीच्या रिंगणात होते, त्यापैकी एक उमेदवार विजयी झाला आहे. तर शरद पवारांच्या १० उमेदवारांपैकी ८ उमेदवार विजयी झाले आहेत. या बाबत आज पत्रकारांनी शरद पवार यांना प्रश्न केला असता त्यांनी एका ओळीत उत्तर दिलं आहे.
चिन्ह गेलं पक्ष गेला, मात्र अजित पवार यांचा फायदा होण्यापेक्षा नुकसान जास्त झालं असं वाटतंय तुम्हाला काय वाटतंय अजित पवारांना काय मिळालं, या प्रश्नावर उत्तर देताना शरद पवार म्हणाले, अजित पवार यांची स्थिती काय याबद्दल मला काही माहीत नाही, ते प्रश्न त्यांना विचारा. माझं त्याच्याविषयी काहीही भाष्य करण्याचं कारण नाही, असंही ते पुढे म्हणाले आहेत.
लोकांमध्ये नरेंद्र मोदी यांच्याबाबत नाराजी होती. तरुणांमध्ये मोठ्या प्रमाणात बरोजगारी वाढली होती. शिवाय शेतकऱ्यांचे प्रश्न तसेच प्रलंबित होते, त्यामुळे राज्यात भाजपला अपयश आलं आहे, असं शरद पवार म्हणाले. मनोज जरांगे पाटील यांच्या आंदोलनाचा फायदा झाला याबाबत मला माहिती नाही अशी त्यांनी प्रतिक्रिया दिली.
आमच्या बैठकीत जी रणनीती ठरेल त्यातून आम्ही पुढे जाऊ. मी कोणाशीही बोललो नाही. अजित पवार यांच्याबद्दल मला माहित नाही. निकालानंतर आमची पहिली मीटिंग आहे. यात रणनीती ठरवली जाईल. जोपर्यंत चित्र स्पष्ट होत नाही तोपर्यंत चर्चा करणं योग्य नाही. उद्धव ठाकरे आज बैठकीला येत आहेत. उत्तर प्रदेशातील स्थितीबाबत मला माहिती नाही. पण महाराष्ट्रातील लोकांमधे नरेंद्र मोदी यांच्याबद्दल नाराजी होती, त्याची ही रिअँक्शन आहे असं मला वाटतं, असंही ते म्हणाले.
इंडिया आघाडीच्या बैठकीला कोण-कोण येणार आहे याची माहिती नाही. पण, पुढील रणनीती काय असेल हे बैठकीमध्ये ठरवण्यात येईल. त्यानंतर आज रात्री याबाबत माहिती दिली जाईल, असं पवार यांनी स्पष्ट केलं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.