शीना बोरा जिवंत आहे की नाही? सीबीआयने पुराव्यांसह दिली महत्त्वाची माहिती

मुंबईः दहा वर्षांपूर्वीच्या शीनाबोरा हत्या प्रकरणामध्ये आज महत्त्वाचा खुलासा झाला आहे. सीबीआयने कोर्टामध्ये याबाबत स्पष्टपणे माहिती दिलीय.

5 जानेवारी रोजी शीना बोरा गुवाहटीमध्ये दिसल्याचं सांगितलं जात आहे. शीना बोराला पाहिल्याचा दावा सविना बेदी यांनी केलाय. सविना ह्या मखर्जी परिवाराशी परिचित आहेत. सकाळी पावणे सहा वाजण्याच्या दरम्यान शीनाला पाहिल्याचा दावा केला होता.

याबाबत सीबीआयने स्पष्टीकरण दिलेलं असून शीना बोराचा मृत्यू झाल्याचं सांगितलं आहे. त्याबाबतचे सक्षम पुरावे असल्याचं म्हटलं आहे. शीना बोराच्या मृत्यूसंबंधीच्या पुराव्यांना शास्त्रीय आधार असल्याचा दावा सीबीआयने केलाय.

हेही वाचाः गुंतवणूक करताना ‘हम होंगे कामयाब, पूरा है विश्वास!’...पण कसे? घ्या जाणून

याबाबात उलट तपासणीसाठी गुवाहटी विमानतळावरील सीसीटीव्ही फुटेज तपासण्याची गरज नसल्याचं सीबीआयने म्हटलं आहे. शीना बोराला पाहिल्याचं ज्यांनी सांगितलं त्या सविना ह्या वकील आहेत.

शीनाचा व्हीडिओ केल्याचा दावा

सविना बेदी यांनी शीना बोराला विमानतळावर पाहिल्याचा दावा केला. त्यांनी तिला थांबवण्याचा प्रयत्न केला परंतु कथित शीना तिथून पसार झाली. सविना यांनी शीनाचा व्हीडिओ काढल्याचंही सांगितलं जात आहे.

एप्रिल २०१२ मध्ये शीना बोराची हत्या झाली होती. हे प्रकरण उघडकीस आल्यानंतर इंद्राणी मुखर्जीच्या वाहन चालकाला अटक करण्यात आली होती. चालक श्यामवर राय याने शीनाचा खून इंद्राणी मुखर्जीनेच गळा दाबून केल्याचा जबाब दिला होता. त्यानंतर २०१५मध्ये इंद्राणीला अटक करण्यात आली होती. आता पुन्हा शीना गुवाहटीमध्ये दिसल्याचा दावा करण्यात आल्याने खळबळ उडाली आहे.