कौटुंबिक एकाच कुटुंबातील सहा जणांचे हत्याकांड घडवून आणल्याची धक्कादायक घटना मध्य प्रदेशातील मोरेना जिल्ह्यात उघडकीस आली. मृतांत तीन महिलांचा समावेश आहे. तसेच अन्य तीन जण जखमी झाले. ही घटना आज सकाळी मोरेनापासून ५० ते ६० किलोमीटर अंतरावरील लेपा भिडोसा गावात घडली. याप्रकरणी गुन्हे दाखल झाले आहेत.
गोळीबारात तीन जण जागीच ठार झाले तर तीन जणांना जखमी अवस्थेत जिल्हा रुग्णालयात नेले असता तेथे मृत्यू झाला. अन्य जखमींवर उपचार सुरू असल्याचे पोलिस महासंचालक (चंबळ क्षेत्र) एस.सक्सेना यांनी सांगितले. या गोळीबारातील आरोपींची ओळख पटली असून आठ जणांविरुद्ध गुन्हा दाखल करण्यात आला आहे.
पूर्ववैमनस्यातून गोळीबार झाल्याचे पोलिसांनी म्हटले आहे. पीडितांच्या नातेवाइकांनी कुटुंबीयांतील सदस्यांनीच हत्याकांड घडवून आणल्याचा आरोप केला आहे. मुरेनाच्या हत्याकांडाचा व्हिडिओ व्हायरल झाला आहे. यात हल्लेखोर हे महिला आणि पुरुषांना काठीने मारहाण करताना दिसतात. यावेळी एक युवक येतो आणि नऊ जणांना गोळ्या घालतो.
नेमका वाद काय?
लेपा गावात गजेंद्र सिंह तोमर व धीर सिंह तोमर यांच्यात जमिनीवरून वाद सुरू आहे. गजेंद्र सिंह यांच्या कुटुंबीयांवर धीरसिंह यांच्या कुटुंबातील दोघांना मारल्याचा आरोप आहे. याप्रकरणी खटला सुरू आहे. गजेंद्र सिंह यांनी सहा लाखांची भरपाई दिली आहे. परंतु पैसे घेऊनही धीरसिंह यांनी खटला मागे घेतला नाही.
या भितीने गजेंद्र सिंहाचे कुटुंबीय मुरैना येथे राहात होते. गजेंद्र सिंह तोमर यांचा मुलगा राकेश सिंह तोमर यांनी सांगितले, की सकाळी आम्ही मुरेनाहून गावी आले. तेव्हा धीरसिंहाचे कुटुंब गच्चीवर लपून बसले होते. आमची गाडी थांबताच त्यांनी काठ्या आणि बंदुकीने आमच्यावर हल्ला केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
