‘माजी नगरसेवकही रस्त्यावर थांबत नाहीत, ते तर पंतप्रधान आहेत भाऊ’

पंतप्रधान नरेंद्र मोदी यांच्यावर विनोद करून प्रकाशात आलेला श्याम रंगीलाने (Shyam Rangeela) पुन्हा एकदा ट्विट करून नरेंद्र मोदी यांना लक्ष केले आहे. पंजाबमध्ये पंतप्रधानांची गाडी तब्बल १५ ते २० मिनिट रस्त्यावर थांबल्याने त्याने लक्ष्य केले आहे. माजी नगरसेवक रस्त्यावर थांबत नाही, तेर तर देशाचे पंतप्रधान आहे, असे ट्विट (tweet) त्याने केले आहे.

पंतप्रधान नरेंद्र मोदी (Prime Minister Narendra Modi) यांची बुधवारी पंजाबमधील फिरोजपूर येथे सभा आयोजित करण्यात आली होती. मात्र, सुरक्षा यंत्रणेतील त्रुटींमुळे ही सभा ऐनवेळी रद्द करण्यात आली आहे. हुसैनीवाला येथील राष्ट्रीय शहीद स्मारकापासून सुमारे ३० किलोमीटर अंतरावर पंतप्रधानांचा ताफा उड्डाणपुलावर पोहोचला होता, तेव्हा काही आंदोलकांनी रस्ता अडवल्याचे दिसून आलं. या आंदोलकांमुळे पंतप्रधान जवळपास १५ ते २० मिनिटे फ्लायओव्हरवर अडकून पडले होते. पंतप्रधानांच्या सुरक्षेतील ही एक मोठी चूक होती.

ही मोठी घटना होती. यावर पंतप्रधान नरेंद्र मोदी यांनी सुद्धा नाराजी व्यक्त केली होती. मी जिवंत पोहोचलो, असे ते म्हणाले होते. अशात मोदींचे सारखे भाषण करणारा श्याम रंगीलाने (Shyam Rangeela) ‘इथे गाडीच्या मागे माजी नगरसेवक असे लिहिणारेही रस्त्यावर थांबत नाहीत, ते तर देशाचे पंतप्रधान आहेत भाऊ’ असे ट्वित करून पुन्हा वादाला तोंड फोडले.