Sidhu Moose Wala : मोठी बातमी! सिद्धू मुसेवाला मर्डर केस प्रकरणातील आरोपी जेलमध्येच ठार

चंदीगढ : तरनतारन जिल्ह्यातील गोइंदवाल साहिब मध्यवर्ती कारागृहात सिद्धू मूसेवाला हत्याप्रकरणी कैद असलेल्या तीन गुंडांमध्ये रविवारी झालेल्या वादात दोघे ठार झाले.

गेल्या वर्षी गायक सिद्धू मूसेवाला यांच्या हत्या प्रकरणातील दोन संशयीतांना पोलिसांनी ताब्यात घेतलं होतं. वरिष्ठ पोलिस अधीक्षक गुरमीतसिंग चौहान यांनी सांगितले की, त्यांच्याविरोधात इतरही गुन्हे दाखल आहेत. कारागृहात झालेल्या मारहाणीत एक कैदी जखमी झाला आहे. चौहान यांनी सांगितले की, हे तिघेही एकाच टोळीतील होते.

गेल्या वर्षी २९ मे रोजी मानसा जिल्ह्यात शुभदीप सिंग सिद्धू उर्फ सिद्धू मूसेवाला यांची गोळ्या घालून हत्या करण्यात आली होती.