Sonia Duhan: सेल्फी काढून पक्ष चालत नाही.. सोनिया दुहानचा शरद पवार गटाला रामराम, सुप्रिया सुळेंवर काय केलेत आरोप?

मुंबई: राष्ट्रवादी काँग्रेस-शरदचंद्र पवार गट विद्यार्थी संघटनेच्या अध्यक्षा सोनिया दुहान यांनी पक्ष सोडल्याच्या चर्चेवर स्पष्टीकरण दिले आहे. यावेळी त्यांनी सुप्रिया सुळे यांच्यावर हल्लाबोल केला. पक्षात सर्व काही सुरळीत नाही…सुप्रिया सुळेंमुळे मी पक्ष सोडत असल्याचे सोनिया दुहान यांनी सांगितेल. लोकसभा निवडणुकीच्यापूर्वी शरद पवार गटला मोठा झटका बसला आहे.

सोनिया दुहान म्हणाल्या, "मी शरद पवार यांना सोडलेले नाही आणि मी पक्ष सोडलेला नाही... या अफवा कोण पसरवत आहे हे मला माहीत नाही…. मी अजितदादांच्या पक्षात गेलेले नाही. शरद पवार यांच्याशी अनेक दशके जोडलेले नेते पक्ष का सोडत आहेत. याचा विचार सुप्रिया सुळेंनी करायला हवा… पक्षात सर्व काही सुरळीत चालत नाही… सुप्रिया सुळेंमुळे मला पक्ष सोडावा लागत आहे."

शरद पवार यांच्या आजूबाजूला कोणते वातावरण निर्माण केले जात आहे की सर्व नेते सोडून जात आहेत, याचा सुप्रिया सुळे यांनी विचार करावा. आमच्यासारखे लोक सोडून जात असतील तर पक्षात काही सुरळीत सुरु नाही. कोणत्याही नेत्यावर आमची नाराजी नाही. फक्त सुप्रिया सुळेंवर आम्ही नाराज आहोत. आता बस झालं, असं सोनिया दुहान म्हणाल्या.

सोनिया दुहान म्हणाले, कोणत्याही गोष्टीला आपण दुर्लक्षित करतो. ते गोष्ट एकदीवस बाहेर येते. त्यामुळे आज सयंम संपला आहे. आम्ही शरद पवार यांच्यासोबत बोललो देखील आहे. त्यांनी समजून सांगितले. आमची बैठक देखील होणार होती. २२ तारखेला शरद पवार यांच्यासोबत चर्चा झाली होती. मात्र दुसऱ्याच दिवशी मला सुप्रिया सुळे यांचा फोन आला. त्या ज्या पद्धतीने बोलल्या ते ऐकूण मला पक्षात राहायचे नाही.

आता नंतर राजकारण नंतर बघू, करिअर नंतर बघू, पक्षात राहावे, अशी परिस्थितीच सध्या नाही आहे. सेल्फी काढून पक्ष चालत नाही. पक्षाला पक्षाच्या नियमानुसार चालवावे लागते. ही गोष्टी सुप्रिया सुळे आणि त्यांच्या आजुबाजुच्या नेत्यांना समजून घ्यावी लागले. मी पक्ष सोडत आहे, मी जाहीरपणे सांगतो की सुप्रिया सुळे यांच्यामुळे मी पक्ष सोडत आहे. धिरज शर्माने देखील सुप्रिया सुळेंमुळे पक्ष सोडला, असे सोनिया दुहान यांनी सांगितले.