नवी दिल्ली : इंडियन इन्स्टिट्यूट ऑफ मॅनेजमेंट (IIM) च्या विद्यार्थी आणि प्राध्यापकांनी एका खुल्या पत्राद्वारे पंतप्रधान नरेंद्र मोदी (PM Modi) यांना देशातील द्वेषयुक्त भाषण आणि जाती-आधारित हिंसाचाराच्या विरोधात बोलण्याचे आवाहन केले आहे. (speak up against hate speech and caste-based violence in the country) या पत्रावर आयआयएम अहमदाबाद आणि आयआयएम बंगळुरूच्या काही विद्यार्थ्यांच्या आणि प्राध्यापकांच्या स्वाक्षऱ्या आहेत. पंतप्रधानांचे मौन द्वेषपूर्ण आवाजांना प्रोत्साहन देत असल्याचे पत्रात म्हटले आहे. याबाबत एनडी टिव्हीने वृत्त प्रकाशित केलं आहे. (IIM Student & Staff Member Letter To PM Modi )
नुकतेच हरिद्वार येथील धर्म संसदेत (Haridwar Dharam Sansad ) द्वेषपूर्ण भाषणाचे प्रकरण समोर आले आहे. धर्म संसदेत, काही हिंदू धर्मगुरूंनी लोकांना मुस्लिमांविरुद्ध शस्त्रे उचलण्याचे आवाहन केले आणि नरसंहाराची हाक दिली होती. दरम्यान, धर्म/जातीय अस्मितेच्या आधारावर द्वेषयुक्त भाषण आणि समुदायांविरुद्ध हिंसाचाराचे आवाहन अस्वीकार्य आहे, असे पत्रात नमूद करण्यात आले आहे. (Narendra Modi)
भारतीय राज्यघटनेने धर्माचे पालन करण्याचा अधिकार दिला असला तरी देशात भीतीचे वातावरण असल्याचे म्हटले आहे. त्यात असे लिहिले आहे की, 'आपल्या देशात आता भीतीचे वातावरण असून, अलीकडच्या काळात चर्चसह प्रार्थनास्थळांची तोडफोड केली जात आहे आणि आपल्या मुस्लिम बंधू-भगिनींविरुद्ध शस्त्रे उचलण्याचे आवाहन करण्यात आले आहे.' या पत्रावर आयआयएम अहमदाबाद आणि आयआयएम बंगळुरूच्या 183 विद्यार्थ्यांनी स्वाक्षरी केली आहे, ज्यात 13 प्राध्यापकांचा समावेश आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
