सुप्रीम कोर्टाने न्यूजक्लिक एडिटर-इन-चीफ प्रबीर पुरकायस्थ यांची अटक आणि रिमांड अवैध ठरवले आहे. गेल्या वर्षी यूएपीए अंतर्गत दिल्ली पोलिसांनी प्रबीर पुरकायस्थ यांना अटक केली होती. या प्रकरणात सर्वोच्च न्यायालयाने त्यांची तात्काळ जामिनावर सुटका करण्याचे आदेश दिले आहेत. या प्रकरणी आरोपपत्र दाखल करण्यात आले आहे.
यूएपीए प्रकरणात दिल्ली पोलिसांनी केलेल्या अटकेला आव्हान देणाऱ्या प्रबीर पुरकायस्थ यांच्या याचिकेवर सुनावणी घेतल्यानंतर न्यायमूर्ती बीआर गवई आणि न्यायमूर्ती संदीप मेहता यांच्या खंडपीठाने सांगितले की, दिल्ली पोलिसांनी रिमांडची प्रत दिली नाही आणि त्यामुळे अटकेच्या आधारावर परिणाम झाला आहे. त्यामुळे आम्ही प्रबीर पुरकायस्थ यांची अटक रद्द करत आहोत. जामीनपत्र सादर केल्यावर, ट्रायल कोर्टाच्या समाधानासाठी त्याची सुटका केली जाईल.
प्रबीर पुरकायस्थ यांना गेल्या वर्षी ऑक्टोबरमध्ये दिल्ली पोलिसांनी UAPA कायद्यांतर्गत न्यूजक्लिक पोर्टलद्वारे देशविरोधी प्रचार करण्यास आणि या कामासाठी चीनकडून निधी घेतल्याचा ठपका ठेवत अटक केली होती. सर्वोच्च न्यायालयाने म्हटले आहे की, अटकेच्या वेळी पोलिसांनी पुरकायस्थ यांना अटक करण्याचे कारण दिले नव्हते. त्यामुळे त्यांना जामीन मिळण्याचा हक्क आहे.
असे करण्यापूर्वी पोलिसांनी प्रबीर पुरकायस्थ यांच्या वकिलाला का कळवले नाही, अशी विचारणा सर्वोच्च न्यायालयाने केली होती. सुप्रीम कोर्टाने दिल्ली पोलिसांना विचारले होते - तुम्ही प्रबीर पुरकायस्थ यांच्या वकिलाला आधीच का सांगितले नाही? तुम्ही त्यांना संध्याकाळी अटक केली होती. त्याच्या वकिलाला माहिती देण्यासाठी तुमच्याकडे संपूर्ण दिवस होता.
सकाळी सहा वाजता न्यायदंडाधिकाऱ्यांसमोर हजर करण्याची घाई का झाली? या वर्षी मार्चमध्ये दाखल केलेल्या 8,000 पानांच्या आरोपपत्रात, दिल्ली पोलिसांनी न्यूजक्लिक आणि पुरकायस्थ यांच्यावर दहशतवादी निधी प्राप्त केल्याचा आणि चीनचा प्रचार केल्याचा आरोप केला होता. पोलिसांनी न्यूजक्लिकचे एचआर प्रमुख अमित चक्रवर्ती यांनाही अटक केली. या वर्षी जानेवारीमध्ये न्यायालयाने त्यांना या खटल्यात सरकारी साक्षीदार होण्यासाठी परवानगी दिली होती.
दिल्ली पोलिसांनी दाखल केलेल्या एफआयआरमध्ये प्रबीर पुरकायस्थ यांनी पीपल्स अलायन्स फॉर डेमोक्रेसी अँड सेक्युलॅरिझम (PADS) सोबत 2019 च्या लोकसभा निवडणुकीदरम्यान लोकशाही कमकुवत करण्याचे षडयंत्र रचला असल्याचा आरोप केला आहे. एफआयआरनुसार, न्यूज पोर्टलला 'भारताच्या सार्वभौमत्वाला बाधा आणण्यासाठी' आणि देशाविरुद्ध लोकांमध्ये नाराजी निर्माण करण्यासाठी चीनकडून मोठा निधी मिळाल्याचा आरोप आहे.
एफआयआरनुसार, 'भारताच्या सार्वभौमत्वाला बाधा आणण्यासाठी' आणि देशाविरुद्ध लोकांमध्ये असंतोष निर्माण करण्यासाठी या न्यूज पोर्टलला चीनकडून मोठा निधी मिळाला होता, या प्रकरणी तपास यंत्रणांनी 3 ऑक्टोबर 2023 रोजी या न्यूज पोर्टलच्या संपादकांना अटक केली होती. या प्रकरणात दिल्लीत 88 आणि इतर राज्यात 7 ठिकाणी छापे टाकण्यात आले. न्यूजक्लिकच्या कार्यालयातून आणि पत्रकारांच्या निवासस्थानातून सुमारे 300 इलेक्ट्रॉनिक उपकरणेही जप्त करण्यात आली आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
