नवी दिल्लीः संसदेला नवीन इमारत मिळाल्यानंतर आता सर्वोच्च न्यायालयालादेखील नवीन इमारत मिळणार आहे. खुद्द सरन्यायाधीश डीवाय चंद्रचूड यांनी याबाबतची घोषणा केली.
सर्वोच्च न्यायालयाच्या परिसरामध्ये बार असोसिएशनकडून स्वातंत्र्य दिनानिमित्त समारंभाचं आयोजन करण्यात आलेलं होतं. यावेळी सरन्यायाधीश चंद्रचूड बोलत होते.
CJI चंद्रचूड यांनी आज बोलताना सांगितलं की, सुप्रीम कोर्टामध्ये नवीन इमारत उभी करण्यात येणार आहे. नवीन इमारतीमध्ये अतिरिक्त २७ कोर्ट, ४ रजिस्ट्रार कोर्टरुम आणि इतर पुरेशा सुविधा असणार आहेत.
चंद्रचूड पुढे म्हणाले की, वेळेत न्याय मिळणे आणि न्याय व्यवस्थेचं सुलभीकरण करणे हे न्यायपालीकेसमोर मोठं आव्हान आहे. समाजव्यवस्थेच्या शेवटच्या घटकाला न्यायप्रणाली सोपी वाटली पाहिजे, यासाठी प्रयत्न करणं गरजेचं आहे, असं त्यांनी स्पष्ट केलं.
भारतीय भाषांमध्ये कोर्टाच्या निकालाचं भाषांतर होण्यासंबंधी पंतप्रधान नरेंद्र मोदी यांनी भाषणामध्ये म्हटलं होतं. त्याचाही उल्लेख सरन्यायाधीश चंद्रचूड यांनी बोलतांना केला. तसेच न्यायप्रणालीला सुगम करण्यासाठी व्यापक बदल अपेक्षित आहेत, असं ते म्हणाले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
