मजबूत मोदी सरकारकडून भ्रष्टाचारावर मजबूत कारवाईची अपेक्षा - वरुण गांधी

नवी दिल्ली : वरुण गांधी हे आपल्या रोखठोक भूमिकेसाठी ओळखले जातात. भाजपचे (BJP) खासदार असूनही ते आपल्या पक्षातील उणीवांवर टीका-टीप्पणी करण्यास मागे-पुढे पाहात नाहीत. आजही त्यांनी मोदी सरकारला ट्विट करुन भ्रष्टाचाराविरुद्ध कडक भूमिक घेण्याचा सल्ला दिला आहे. वरुण गांधी म्हणतात, विजय माल्ल्या ९००० कोटी, नीरव मोदी १४ हजार कोटी, ऋषी अग्रवाल २३ हजार कोटी. आज जेव्हा कर्जाच्या ओझ्याखाली दबून देशातील दररोज जवळपास १४ लोक आत्महत्या करित आहेत, तेव्हा अशा धनवान पशुंचे जीवन वैभवाच्या सर्वोच्च पातळीवर आहे. या महाभ्रष्ट व्यवस्थेवर एक 'मजबूत सरकार'कडून 'मजबूत कारवाई'ची अपेक्षा केली जात आहे, अशा शब्दांमध्ये वरुण गांधी (Varun Gandhi) यांनी भ्रष्टाचार करणाऱ्यांवर कडक कारवाईची अपेक्षा नरेंद्र मोदी (Narendra Modi) सरकारकडे व्यक्त केली आहे. (Take Strict Action Against Corruption, Varun Gandhi Advise To Modi Government)

गांधी यांनी आपल्याच सरकारला घरचा आहेर दिले आहे. प्रत्येक वेळी सुशासन आणि भ्रष्टाचार मुक्त देश असे घोषणा दिल्या जातात. पण जमिनीवर वेगळेच चित्र पाहायला मिळत आहे. आता ही हजारो कोटी रुपयांचा भ्रष्टाचार करणारे निश्चिंत पाहायला दिसत आहेत. त्यांच्यावर कारवाया कधी होणार ?