Tamilnadu Accident News : तामिळनाडूतील सलेम जिल्ह्यात संकरी भागाजवळ बुधवारी पहाटे एका मिनीव्हॅनचा भीषण अपघात झाला. यावेळी एका 1 वर्षीय चिमुकलीसह सहा जणांचा जागीच मृत्यू झाला आहे. तर दोघे यात जखमी झाले आहेत.
सेल्वराज (50), एम अरुमुगम (48), मंजुला (45), पलानीसामी (45), पप्पाथी (40) आणि आर संजना (1) अशी मृतांची नावे आहेत.
पलानीसामी यांची मुलगी आर प्रिया (21) हिचा विवाह दोन वर्षांपूर्वी सालेमच्या राजादुराईशी झाला होता. मात्र आपापसात झालेल्या वादामुळे दोघांनी वेगळे होण्याचा निर्णय घेतल्याचे कळते.
पलानीसामी आणि पप्पाथी, त्यांचे नातेवाईक अरुमुगम व मंजुला आणि सेल्वराज हे मंगळवारी संध्याकाळी प्रिया आणि तिची मुलगी संजनाला आपल्या घरी घेऊन जाण्यासाठी सेलमला आले होते. अरुमुगम यांचा मुलगा विक्की उर्फ विघ्नेश (25) ही मिनीव्हॅन चालवत होता.
राजादुराई यांच्या कुटुंबीयांशी चर्चा केल्यानंतर, हे सर्व रात्री प्रिया आणि संजनासह पेरुंडुराईला परतायला निघाले. यावेळी मिनी व्हॅनने रस्त्याच्या कडेला उभ्या असलेल्या ट्रकला धडक दिली. या अपघातात सहा जणांचा मृत्यू झाला तर प्रिया आणि विक्की जखमी झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
