सबस्क्राईब करा
पाटणा : ‘नीट-यूजी’ परीक्षेतील पेपरफुटीप्रकरणी सुरू असलेल्या तपासादरम्यान पाटण्यातील आर्थिक गुन्हे विभागाला हजारीबाग येथे एक महत्त्वाची माहिती हाती लागली आहे. प्रश्नपत्रिकेच्या एका बुकलेटमध्ये हस्तक्षेप केल्याचे उघड झाले आहे. हे बुकलेट हजारीबागमधील ओॲसिस शाळेतील केंद्रावर नेले जाणार होते.
आर्थिक गुन्हे विभागाच्या पथकाने २१ जून रोजी डीएव्ही, होली क्रॉस, ओॲसिस, सेंट झेव्हियर आणि विवेकानंद केंद्रीय या पाच शाळांमधील परीक्षा केंद्रांबरोबरच सर्व प्रश्‍नपत्रिका एकत्रित आणण्याच्या एसबीआय केंद्रावर आणि कुरिअर कार्यालयांवरही तपास केला होता. प्रश्नपत्रिकेच्या बुकलेट क्रमांक ६१३६४८८ मध्ये हस्तक्षेप केला गेल्याचे तपासात दिसून आले आहे.
निरीक्षक म्हणून नेमलेल्या विनोबा भावे विद्यापीठाच्या एका प्राध्यापकांनी या प्रश्‍नपत्रिका पाच मे रोजी ओॲसिस शाळेत पोहोचविल्या होत्या. या घटनेचे चित्रीकरणही करण्यात आले होते. परीक्षेच्या एक दिवस आधी, जी प्रश्‍नपत्रिका पाटण्यात आली होती, ती पेपरफुटी प्रकरणातील सूत्रधार संजीव मुखियाला व्हॉट्‌सॲपवर मिळाली होती.
तपास पथकाने केलेल्या तपासानुसार चार मे रोजी प्रश्‍नपत्रिका एसबीआय केंद्रावरच होती व पाच मे रोजी निरीक्षकांनी ती परीक्षा केंद्रावर नेली. त्यामुळे ती चार मे रोजी मुखियाला कशी मिळाली, याचा तपास सुरू आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.