Team India Meets PM Modi: बार्बाडोस स्टेडियमच्या मातीची चव कशी होती? PM मोदींच्या प्रश्नावर रोहितनं काय दिलं उत्तर?

नवी दिल्ली : T20 क्रिकेटच्या विश्वचषकाची फायनल जिंकल्यानंतर कर्णधार रोहित शर्मा याच्या स्टेडियममधील एका कृतीची मोठी चर्चा झाली होती. रोहितनं मैदानातील मातीचं चुंबन घेतलं होतं. त्याच्या या कृतीमुळं विविध चर्चांना उधाणही आलं होतं. पंतप्रधान नरेंद्र मोदी यांनी रोहितच्या याच कृतीवरुन आजच्या भेटीत त्याला सवाल केला. त्या मातीची चव कशी होती? असा सवाल मोदींनी रोहित शर्माला केला त्याचं उत्तरही त्यानं दिलं आहे. (Team India Meets PM Modi how did Barbados stadium soil taste Modi question to Rohit Sharma)

वेस्ट इंडिजच्या बार्बाडोस इथून टीम इंडिया विश्वचषकासह भारतात दाखल झाली. टीमनं सकाळी पंतप्रधान मोदींच्या निवासस्थानी गुरुवारी भेट दिली. यावेळी मोदींनी सर्व खेळाडूंशी वैयक्तिकरित्या संवाद साधला. या भेटीचे अनेक फोटो आणि व्हिडिओजचही सकाळपासून व्हायरल झाले आहेत. तासभर झालेल्या या भेटीत टीम इंडियानं वर्ल्डकप जिंकल्याबद्दल आनंद व्यक्त केला.

यावेळी मोदी रोहित शर्माला म्हणाले, फायनल जिंकल्यानंतर टर्फवरची माती तू चाखून पाहिलीस त्या मातीची चव नेमकी कशी होती? त्याचबरोबर कोहलीला देखील मोदींनी विचारलं की वर्ल्डकपच्या संपूर्ण सेरिजमध्ये तुझ्या धावा झाल्या नाहीत पण शेवटी फायनलमध्ये तू धावा केल्यास पण वर्ल्डकपमध्ये मोठ्या खेळीसाठी तू काय विचार करत होतास? तसंच अक्षऱ पटेलला मोदी म्हणाले की, अंतिम फेरीत टीम अडचणीत आल्यानंतर संघात पदोन्नती मिळाल्यानंतर कसं वाटलं?

हेनरिक क्लासेन आणि डेव्हिड मिलर हे दोघं क्रीजवर असताना त्यांना 30 धावांची गरज असताना दक्षिण आफ्रिका विजयाच्या उंबरठ्यावर होती. त्याचवेळी बुमराहच्या भेदक गोलंदाजीनं टीम इंडियानं सामन्यात जबरदस्त पुनरागमन केलं. त्यामुळं मोदींनी बुमराहला विचारलं की, त्यावेळी त्याच्या मनात काय चाललं होतं? तसंच पंड्याची एकूण कामगिरीबद्दल कशी होती आणि त्यानं शेवटच्या षटकाचं नियोजन कसं केलं? ज्यामुळं दक्षिण अफ्रिकेला विजयासाठी 16 धावांची गरज पडली.

एका दशकाहून अधिक काळानंतर भारताने आयसीसी ट्रॉफी जिंकल्याने सूर्यकुमार, ज्याचा सीमारेषेवरील ॲक्रोबॅटिक झेल सामना जिंकणारा ठरला, त्याला ते जादूई सात सेकंद पुन्हा जिवंत करण्यास सांगितले गेले.