Tejaswi Yadav Convoy Accident: तेजस्वी यादव यांच्या ताफ्याचा मोठा अपघात; एकाचा मृत्यू, ६ जखमी

Tejaswi Yadav Convoy Accident Marathi News : बिहारचे माजी उपमुख्यमंत्री आणि राष्ट्रीय जनता दलाचे प्रमुख तेजस्वी यादव यांच्या ताफ्याला काल रात्री पुर्णिया इथं मोठा अपघात झाल्याचं वृत्त आहे. या अपघातात एका व्यक्तीचा मृत्यू झाला असून ६ जण जखमी झाले आहेत. तेजस्वी यादव यांची सध्या बिहारमध्ये राज्यव्यापी जनविश्वास यात्रा सुरु आहे. (Tejashwi Yadav Jan Vishwas Yatra convoy met with an accident in Purnea one person killed)

या अपघाताबाबत माहिती देताना पोलीस अधिकाऱ्यांनी सांगितलं की, पोलिसांची एका गाडीचा अपघात झाला असून आत्तापर्यंत जी माहिती समोर आली आहे त्यानुसार गाडीचा ड्रायव्हरचा मृत्यू झाला असून इतर सहा पोलीस कर्मचारी जखमी झाले आहेत. या अपघातात इतर काही नागरिक देखील जखमी झाले आहेत. जखमींवर खासगी रुग्णालयात उपचार सुरु आहेत. पुढील कार्यवाही केली जात आहे. (Latest Marathi News)

अपघाताचं कारण काय?

दरम्यान, पत्रकारांनी पोलीस अधिकाऱ्यांना या अपघाताचं कारण विचारलं पण त्यांनी कारण सांगण्यात नकार दिला. तसेच अपघाताच्या कारणाची माहिती नंतर देण्यात येईल, असं त्यांनी पत्रकारांना सांगितलं.