सोशल मीडिया प्लॅटफॉर्म 'X' वर पंतप्रधान नरेंद्र मोदी यांचे सर्वाधिक फॉलोअर्स झाल्याबद्दल एलन मस्क यांनी अभिनंदन केले आहे. यावेळी मस्क यांनी एक्सवर एक पोस्ट करत लिहिले की, "पंतप्रधान नरेंद्र मोदी यांचे एक्सवर सर्वाधिक फॉलो केले जाणारे जागतिक नेते झाल्याबद्दल अभिनंदन."
मस्क यांची एका ओळीची ही पोस्ट काही क्षणातच व्हायरल झाली आणि अवघ्या 20 मिनिटांत याला 7.75 लाख व्हिव्ज मिळाले होते.
पंतप्रधान मोदींचे 'X' वर 10 कोटींहून अधिक फॉलोअर्स आहेत. या आठवड्याच्या सुरुवातीला त्यांनी हा टप्पा गाठला होता.
'X' वर अधिक फॉलोअर्स असलेल्या इतर नेत्यांमध्ये अमेरिकेचे अध्यक्ष जो बिडेन (3.81 कोटी) आणि तुर्कीचे अध्यक्ष रेसेप तय्यप एर्दोगन (2.15 कोटी) यांचा समावेश आहे. विशेष म्हणजे पंतप्रधान मोदींचेही यूट्यूब आणि इंस्टाग्रामवर अनुक्रमे २.५ कोटी आणि ९.१ कोटी फॉलोअर्स आहेत.
14 जुलैच्या रिपोर्टनुसार, पंतप्रधान मोदींचे अधिकृत X हँडलवर 10 कोटीहून अधिक फॉलोअर्स आहेत. त्याच्यानंतर स्टार भारतीय क्रिकेटर विराट कोहली 6 कोटी फॉलोअर्स, ब्राझीलचा फुटबॉल स्टार नेमार ज्युनियर 6 कोटी फॉलोअर्स आणि अमेरिकन बास्केटबॉलपटू लेब्रॉन जेम्स 5 कोटी फॉलोअर्स या सेलिब्रिटींचा समावेश आहे.
अनेक जागतिक स्पोर्ट्स आयकॉनपेक्षा जास्त फॉलोअर्स असलेले पंतप्रधान मोदी यांची लोकप्रियता यावरून मोजता येते की त्यांचे फॉलोअर्स अमेरिकन गायिका आणि कलाकार टेलर स्विफ्ट, गीतकार, गायिका आणि आंतरराष्ट्रीय कलाकार लेडी गागा आणि किम कार्दशियन पेक्षा जास्त आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
