Tiger Claw Row: मशिदी अन् दर्ग्यांमध्ये मोराची पिसे, तिथेही छापे टाका; भाजप आमदाराची मागणी

Tiger Claw Row: कर्नाटक भाजप नेते आणि आमदार अरविंद बेलाड यांनी धार्मिक कारणांसाठी मोराच्या पिसांचा वापर होत असल्याच्या कारणावरून सर्व मशिदी आणि दर्ग्यांवर छापे टाकण्याची मागणी केली आहे. वनविभागाने नोटीस बजावून भाजपचे राज्यसभा खासदार आणि अभिनेते जगेश यांच्या घराची झडती घेतल्यानंतर बेलाड यांनी ही मागणी केली. एका टीव्ही मुलाखतीदरम्यान जगेश यांनी वाघाच्या पंजाचे पेंडेंट घातले होते. त्यामुळे त्यांच्या घराची झडती घेण्यात आली.

यामुळे आमदार अरविंद बेलाड यांनी कर्नाटकचे मुख्यमंत्री सिद्धरामय्या यांच्यावर टीका केली. तसेच मशिदी आणि दर्ग्यांची चौकशी करण्याची मागणी केली. "वाघांची नखे ऐतिहासिकदृष्ट्या चांगल्या वातावरण निर्मितीसाठी वापरले जातात.  मला सिद्धरामय्या यांना विचारायचे आहे की, राज्यसभा खासदार जगेश यांच्या विरोधात तक्रार दाखल केली जाऊ शकते तर दर्गे आणि मशिदींमध्ये मोराच्या नखांचा वापर होत असताना तुम्ही शांत का?"

"सिद्धरामय्या जाऊन त्या मोराच्या पिसांचं आशीर्वाद घेतात. त्यांना दिसत नाही का? मोर हा आपला राष्ट्रीय पक्षी आहे. तो गुन्हा आणि कायद्याच्या विरोधात आहे," असे बेलाड म्हणाले.

वाघाच्या नंखांवरुन वाद सुरू झाला जेव्हा कन्नड बिग बॉस स्पर्धक वरथूर संतोषला वाघाच्या नखांचे लॉकेट ठेवल्याबद्दल शोच्या सेटवरून अटक करण्यात आली होती. वाघाची नखे बाळगणे कायद्याच्या विरोधात आहे. त्याची विक्री किंवा खरेदी देखील कायद्याच्या विरोधात आहे. (Latest Marathi News)

वन विभागाचे अधिकारी 22 ऑक्टोबर रोजी शोच्या सेटवर पोहोचले आणि वाघाच्या नखांच्या लॉकेटची तपासणी केली. तपासणी केल्यावर वाघाचे नखे खरा असल्याचा निष्कर्ष निघाला आणि वरथूर संतोषला अटक करण्यात आली. (Karnataka Latest News)

दरम्यान, अभिनेते आणि भाजप खासदार जगेश यांनी वन अधिकाऱ्यांच्या कार्यशैलीवर कर्नाटक उच्च न्यायालयात केलेल्या याचिकेत त्यांच्या जागेची झडती घेतल्यावर प्रश्नचिन्ह उपस्थित केले आहे.

वन्यजीव संरक्षण कायदा 1972 अंतर्गत वाघ, सिंह, हरीण यांसारख्या वन्य प्राण्यांना मारणे आणि त्यांचे पंजे, कातडी, शिंगे इत्यादी ठेवणे किंवा विकणे हा गुन्हा मानला जातो.