पणजी : पश्चिम बंगालच्या मुख्यमंत्री आणि तृणमूल काँग्रेसच्या प्रमुख ममता बॅनर्जी या सध्या गोव्याच्या दौऱ्यावर आहेत. पणजीत त्यांनी सोमवारी कार्यकर्ता मेळावा घेतला, या मेळाव्यात कार्यकर्त्यांना मार्गदर्शन करताना विजयाची चाचपणीही केली. तसेच TMC म्हणजे टेम्पल-मॉस्क-चर्च असा आपल्या पक्षाचा एक वेगळा अर्थ सांगितला.
ममता बॅनर्जींनी TMCचा अर्थ टेम्पल-मॉस्क-चर्च असा करताना हिंदू-मुस्लीम-ख्रिश्नच मतदारांना पक्षाकडं खेचण्याचा प्रयत्न केला आहे. गोव्यात हिंदू बरोबरच मुस्लीम आणि मोठ्या प्रमाणावर ख्रिश्चन धर्मियांची संख्या आहे. या पार्श्वभूमीवर ममतांचं नवं राजकारण इथं पहायला मिळणार आहे.
कार्यकर्त्यांना संबोधित करताना ममता म्हणाल्या, TMC म्हणजे टेम्पल-मॉस्क-चर्च. आम्ही भाजपविरोधात लढत आहोत. या ठिकाणी जिंकण्याची संधी आहे का? आपण जिंकू असा तुम्हाला विश्वास वाटतो का? जर तुम्हाला विश्वास आहे तर पाऊल मागे घेऊ नका, पुढे जात राहा.
आपण गोव्यात मतविभाजन करण्यासाठी आलेलो नाही तर मतं एकत्र करण्यासाठी आणि तृणमूलच्या आघाडीला विजय मिळवून देण्यासाठी इथं आलो आहोत. ही आघाडी भाजपला पर्याय आहे. जर कोणाला आमच्यासोबत यायचं असेल तर त्यानं यावं. कारण आम्ही आधीच निर्णय घेतलाय लढायचं आणि मरायचं पण माघार घ्यायची नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
