2,000 कोटी रुपयांच्या मळलेल्या चलनी नोटा घेऊन जाणारे चार कंटेनर ट्रक गुरुवारी रात्री आंध्र प्रदेश पोलिसांनी येथे ताब्यात घेतले परंतु नंतर ते बँकांचे असल्याने समोर आल्यानंतर सोडून देण्यात आले, असे एका अधिकाऱ्याने सांगितले.
दरम्यान कागदपत्रांच्या पडताळणीनंतर हे नोटांनी भरलेले ट्रक सोडण्यात आले आणि या चलनी नोटा ICICI, IDBI आणि फेडरल बँकेच्या असल्याचे, अनंतपूर रेंजचे पोलीस उपमहानिरीक्षक आर एन अम्मी रेड्डी यांनी सांगितले.
अधिकाऱ्याने सांगितले की, केरळहून आलेले ट्रक हैदराबादमधील रिझर्व्ह बँक ऑफ इंडियाच्या (RBI) प्रादेशिक कार्यालयाकडे जात होते. (Trucks Carrying Cash Detained In Andhra Pradesh)
लोकसभा निवडणुकीच्या पार्श्वभूमीवर आदर्श आचारसंहिता लागू असल्याने ट्रक ताब्यात घेण्यात आले. आंध्र प्रदेशात संसदीय आणि विधानसभा निवडणुकांसाठी एकाच वेळी १३ मे रोजी मतदान होणार आहे.
“मुळात या चार ट्रकमधील मळलेल्या नोटा आयसीआयसीआय, आयडीबीआय आणि फेडरल बँक यांच्या मालकीच्या होत्या आणि त्याची रक्कम 2,000 कोटी रुपये होती. त्या कोचीहून आरबीआय, हैदराबाद येथे नेल्या जात होत्या,” असे रेड्डी यांनी पीटीआयला सांगितले.
या ट्रकसोबत काही वाहने होती त्यामध्ये या नोटा घेऊन जाण्यासाठी लागणार सर्व आवश्यक ट्रान्झिट कागदपत्रे होती. ती पोलिसांना उपलब्ध करून देण्यात आली होती, असे पोलीस उपमहानिरीक्षक रेड्डी म्हणाले.
दरम्यान या नोटा त्यांच्याच असल्याची खात्री करण्यासाठी संबंधित बँका आणि आरबीआयकडे पडताळणी करण्यात आल्यानंतर त्या सोडण्यात आल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
