नवी दिल्लीः संसदेमध्ये असलेलं शिवसेनेचं कार्यालय काही दिवसांपूर्वी शिंदे गटाला देण्यात आलेलं होतं. परंतु आता ठाकरे गटाला नवीन संसदेमध्ये स्वतंत्र कार्यालय मिळण्याची शक्यता आहे. आज खासदारांनी लोकसभा अध्यक्षांची भेट घेतली.
एकनाथ शिंदे यांनी शिवसेनेतून बंड केल्यानंतर पक्षावर हक्क सांगायला सुरुवात केली. आता पक्षच एकनाथ शिंदेंच्या ताब्यात आहे. त्यामुळे उद्धव ठाकरे गटाचं काय होणार? असा प्रश्न उपस्थित होत आहे. त्यातच आता ठाकरे गटासाठी एक चांगली बातमी आहे.
काही दिवसांपूर्वी संसदेमध्ये असलेल्या शिवसेना कार्यालयाचा ताबा शिंदेंच्या शिवसेनेला देण्यात आलेला होता. आता ठाकरे गटाला नवीन संसदेत कार्यालय मिळण्याची शक्यता आहे. ठाकरे गटाच्या खासदारांनी लोकसभा अध्यक्ष ओम बिर्ला यांची भेट घेतली आहे.
यापूर्वी लोकसभा अध्यक्षांना खासदारांनी पत्र लिहून उद्धव बाळासाहेब ठाकरे गटासाठी पक्षकार्यालय देण्याची मागणी केली होती. त्यानंतर आता खासदारांनी बिर्ला यांची भेटच घेतली. मात्र लोकसभा अध्यक्षांनी अद्याप याबाबत निर्णय घेतलेला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
