देशातील बेरोजगारीचा दर ऑगस्ट महिन्यामध्ये 8.3 टक्क्यांवर पोहोचला आहे. या मागच्या महिन्याच्या तुलनेत रोजगार 20 लाखांनी घटून तो 39.46 कोटींवर आला आहे. सेंटर फॉर मॉनिटरिंग इंडियन इकॉनॉमी (CMIE)ने प्रसिद्ध केलेल्या आकडेवारीनुसार, जुलैमध्ये बेरोजगारीचा दर 6.8 टक्के होता तर, रोजगार 397 दशलक्ष इतका होता.
सीएमआयईचे व्यवस्थापकीय संचालक महेश व्यास यांनी पीटीआयला (PTI) दिलेल्या माहितीनुसार, “शहरी बेरोजगारीचा दर सामान्यतः ग्रामीण बेरोजगारीच्या दरापेक्षा जास्त आहे, यावेळी शहरी बेरोजगारीचे प्रमाण 8 टक्के, तर ग्रामीण बेरोजगारीचा दर सुमारे 7 टक्के इतका झाला आहे.”
एकीकडे भारताची अर्थव्यवस्था झपाट्याने वाढत आहे. भारताने ब्रिटनला मागे टाकून जगात 5 नंबरचे स्थान मिळवले आहे. त्याचवेळी अर्थव्यवस्थेसमोर मंदी, बेरोजगारी, उद्योग- धंदे, कर्ज दरातील वाढ अशा एक ना अनेक संकटे देशासमोर उभी राहिली आहे.
ऑगस्टमध्ये, शहरातील बेरोजगारीचा दर 9.6 टक्क्यांवर गेला आहे. तर ग्रामीण बेरोजगारीचा दर 7.7 टक्क्यांवर गेला आहे. देशातील ग्रामीण भागातील बेरोजगारीचा दर जुलैमध्ये 6.1 टक्क्यांवरून ऑगस्टमध्ये 7.7 टक्क्यांवर पोहोचला आहे. विशेष म्हणजे रोजगार दर 37.6 टक्क्यांवरून 37.3 टक्क्यांवर घसरला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.