Union Budget 2022 : निवडणुका असलेल्या पाच राज्यांना काय मिळणार?

नवी दिल्ली : देशातील उत्तर प्रदेश, उत्तराखंड, पंजाब, मणिपूर आणि गोवा पाच राज्यांत विधानसभा निवडणुका आहेत. या निवडणुकीच्या काही दिवस आधी केंद्रीय अर्थसंकल्प (Union Budget 2022) सादर केला जात आहे. त्यामुळे यामध्ये काही प्रमुख राजकीय मुद्द्यांना केंद्रीत करून या पाच राज्यांसाठी (Budget Announcement For Five States Assembly Election) मोठ्या घोषणा होण्याची शक्यता आहे.

केंद्रीय अर्थसंकल्पात विशेषतः उत्तर प्रदेश (Uttar Pradesh) आणि पंजाबसारख्या (Punjab) मोठ्या राज्यांना अधिक वाटा मिळण्याची शक्यता आहे. कारण, मोदी सरकारने यापूर्वी घेतलेल्या काही निर्णयांना या राज्यांमधून तिव्र विरोध झाला होता. मोदी सरकारने कृषी कायद्यामुळे पंजाब आणि उत्तर प्रदेशातील शेतकऱ्यांचा रोष ओढवून घेतला होता. त्यामुळे भाजप अर्थसंकल्पाच्या माध्यमातून कुठंतरी डॅमेज कंट्रोल करण्याचा प्रयत्न करण्याची शक्यता आहे. उत्तर प्रदेशसारख्या गरीब राज्यामध्ये आरोग्याच्या सुविधांना अधिक बळकट करण्यासाठी तरतुदी केल्या जातील, अशी अपेक्षा आहे. याशिवाय शेतकरी, तरुण आणि महिलांवर लक्ष केंद्रीत करण्याची शक्यता आहे.