गुजरात-हिमाचल प्रदेशसाठी मोठा दिलासा; नैसर्गिक आपत्तीतून सावरण्यासाठी केंद्राची आर्थिक मदत जाहीर

नवी दिल्ली- नैसर्गिक आपत्तीने ओढावलेल्या संकटासाठी गृह मंत्रालयाने मदतीची घोषणा केली आहे. गुजरातसाठी ३३८ कोटी रुपये तर हिमाचल प्रदेशासाठी ६३३ कोटी रुपयांची आर्थिक मदत जाहीर करण्यात आली आहे. (Union Ministry of Home Affairs approved Gujarat and Himachal Pradesh as financial assistance for damages caused by natural calamities)

केंद्रीय गृहमंत्रालयाने 'एक्स'वर पोस्ट करुन यासंदर्भातील माहिती दिली आहे. गुजरातमध्ये बिपरजॉय वादळामुळे मोठे नुकसान झाले आहे. यासाठी ३३८.२४ कोटी आर्थिक मदत जाहीर करण्यात आली आहे. पंतप्रधान नरेंद्र मोदी यांच्या मार्गदर्शनाखाली राज्य आणि केंद्राने आपत्तीपूर्व खबरदारी घेतली होती. त्यामुळे नैसर्गिक आपत्तीवेळी शून्य जीवितहानी झालीये, असं पोस्टमध्ये म्हणण्यात आलंय.

हिमाचल प्रदेशसाठी राष्ट्रीय आपत्ती निवारण निधीतून ६३३.७३ कोटी रुपये देण्यात येत आहेत. राज्यात यावर्षी मान्सूनदरम्यान पूर, ढगफूटी, जमीन खचणे अशा आपत्तींना सामना करावा लागला आहे. यासाठी आर्थिक मदत जाहीर करण्यात येत असल्याचं गृह मत्रालयाकडून सांगण्यात आलं.