लखनऊ : उत्तर प्रदेश विधानसभा निवडणूकीला आता चांगलाच रंग चढायला लागला आहे. कारण मुख्यमंत्री योगी आदित्यनाथ यांना भीम आर्मीच्या चंद्रशेखर आझाद यांनी थेट आव्हान दिलं आहे. योगींविरोधात गोरखपूर मतदारसंघातून निवडणूक लढवणार असल्याची घोषणा त्यांनी केली आहे. (UP elections 2022 Bhim Army chief Chandrashekhar Azad to contest against Yogi Adityanath)
चंद्रशेखर आझाद यांनी गेल्या आठवड्यात समाजवादी पार्टीचे प्रमुख अखिलेश यादव यांची भेट घेतली होती. या भेटीनंतर अखिलेश यादव यांच्याकडून आपला अपमान झाल्याचं सांगत आझाद समाज पार्टी आणि समाजवादी पार्टीमध्ये विधानसभा निवडणुकीसाठी युती होणार नसल्याचं स्पष्ट केलं होतं. यानंतर आता आझाद समाज पार्टीकडून अधिकृतरित्या चंद्रशेखर आझाद यांची उमेदवारी जाहीर करण्यात आली आहे. यामध्ये ते गोरखपूर मतदारसंघातून लढतील असंही जाहीर करण्यात आलं आहे. विशेष म्हणजे मुख्यमंत्री योगी आदित्यनाथ यांचा हा पारंपारिक मतदारसंघ असून यंदा ते याच मतदारसंघातून निवडणूक लढवणार आहेत.
दरम्यान, समाजवादी पार्टीसोबत बिनसल्यानंतर आझाद समाज पार्टीनं उत्तर प्रदेशात ३३ जागांवर निवडणूकीची घोषणा केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
