Uttar Pradesh : उत्तर प्रदेशातल्या हापुड परिसरामध्ये एक सहा वर्षांचा मुलगा बोअरवेलमध्ये पडल्याची घटना घडली आहे.घटनास्थळी एनडीआरएफची टीम दाखल झाली असून बचावकार्य आटोपलं आहे.
आज दुपारी १२.३० वाजता एक सहा वर्षांचा मुलगा बोअरवेलमध्ये पडला. घटनेची माहिती मिळताच रेस्क्यू टीम घटनास्थळी पोहोचली आणि तातडीने मुलाला बोअलवेलमधून काढण्यासाठी प्रयत्न सुरु केले.
एनडीआरएफसह एसडीआरएफची टीम घटनास्थळी पोहोचली आणि मुलाला खाली ऑक्सिजन मिळावा, यासाठी बोअरवेलमध्ये ऑक्सिजन सप्लाय सोडला.
चार ते पाच घंट्यांच्या प्रयत्नानंतर या मुलाला वाचवण्यास यश आलेलं आहे. मुलाला जखमा झालेल्या असून त्याच्यावर उपचार सुरु आहे. अशी माहिती हापुडच्या जिल्हाधिकारी मेधा रुपम यांनी दिली.
हापुडचे एसपी दीपक भूकर यांनी सांगितलं की, दुपारी साडेबारा वाजता बोअरवेलमध्ये पडलेल्या मुलाला वाचवण्यासाठी चार ते पाच तास लागले. त्याला खाली खाद्यपदार्थ आणि दूध सोडलं जात होतं. रेस्क्यू टीमच्या प्रयत्नांमुळे मुलाला वाचवण्यात यश आलेलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
