समाजवादी पक्ष आणि बहुजन समाजवादी पक्षापाठोपाठ उत्तर प्रदेशात स्वबळावर लढण्याचा निर्धार काँग्रेसने व्यक्त केला आहे. प्रदेश काँग्रेस प्रमुख अजयकुमार लल्लू यांनी स्वबळावर लढण्याची क्षमता असल्याचे ठामपणे सांगत प्रियांका गांधी यांच्यावर मदार असल्याचे स्पष्ट संकेत देणारे घोषवाक्य म्हटले आहे.
बदलाव की आँधी है, जिसका नाम प्रियांका गांधी है असे घोषवाक्य लल्लू यांनी उच्चारले. सप आणि बसप या दोन पक्षांनी कोणत्याही प्रमुख पक्षाबरोबर युतीची शक्यता फेटाळून लावली आहे. या पार्श्वभूमीवर लल्लू म्हणाले की, युती न करता लढण्याची आणि पुढील सरकार स्वबळावर स्थापन करण्याची क्षमता काँग्रेसकडे आहे. अत्याचारी भाजप सरकारचा मुख्य प्रतिस्पर्धी म्हणून काँग्रेसने स्थान निर्माण केले आहे. आमच्याकडे पाचच आमदार असले तरी ४०३ सदस्यांच्या विधानसभेत ४९ आमदार असलेल्या सपपेक्षा परिणामकारक विरोधी पक्ष काँग्रेस असल्याचे आम्ही सिद्ध केले आहे.
काही दिवसांपूर्वी ज्येष्ठ नेते सलमान खुर्शिद यांनी प्रियांका या उत्तर प्रदेशच्या कॅप्टन असल्याचे सांगत मुख्यमंत्रिपदासाठी योग्य चेहरा असल्याचे वक्तव्य केले होते. प्रियांका यांना राज्याच्या नेतृत्वासाठी दावेदार करण्यात यावे का, या प्रश्नावर लल्लू म्हणाले की, राष्ट्रीय पक्षनेतृत्वाने हे ठरवायला हवे. प्रियांका यांच्या मार्गदर्शनाखाली विविध पातळ्यांवर पक्षाचे संघटन भक्कम करण्यात आले आहे. त्या राज्याच्या सूत्रधार आहेत. उत्तर प्रदेशची जनता काँग्रेसकडे आशेने पाहात आहेत. प्रियांका यांच्या नेतृत्वाखाली कार्यकर्त्यांमध्ये बराच उत्साह निर्माण झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
