उत्तराखंडचे मंत्री हरक सिंह रावत यांच्यावर भाजपने बडतर्फीची कारवाई केली आहे. पक्षातून सहा वर्षासाठी त्यांची हकालपट्टी करण्यात आली असून यातून कठोर असा संदेश भाजपने दिला आहे. रावत यांनी काँग्रेस नेत्यांची भेट घेतल्यानं भाजपने ही कारवाई केली. मुख्यमंत्री पुष्कर सिंह धामी यांनी हरक सिंह रावत यांनी मंत्रीमंडळातून बरखास्त केलं आहे. हरक सिंह रावत हे त्यांची सून अनुकृतीसाठी लँसडौन विधानसभा मतदारसंघातून तिकिटाची मागणी करत होते. तसंच ते काँग्रेसमध्ये जाण्याची तयारी करतायत अशीही चर्चा गेल्या काही काळात सुरु होती.
हरक सिंह रावत यांची ६ वर्षांसाठी भाजपने पक्षातून हकालपट्टी केली. उत्तराखंडचे माध्यम प्रभारी मनवीर सिंह चौहान यांनी सांगितलं की, पक्षाचे प्रदेशाध्यक्ष मदन कौशिक यांच्या आदेशानुसार रावत यांना पक्षाने सहा वर्षासाठी काढून टाकलं आहे.
रावत यांनी शिस्तपालन न केल्यानं त्यांचे प्राथमिक सदस्यत्व रद्द करण्यात आले आहे. पक्षात शिस्तभंग खपवून घेतली जाणार नाही असाही इशारा देण्यात आला आहे. दरम्यान, दुसरीकडे मुख्यमंत्री पुष्कर सिंह धामी यांनीही रावत यांना मंत्रिमंडळातून बरखास्त केलं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.