मणिनगर स्टेशनजवळ म्हशींचा एक कळप रेल्वे रुळावर आला होता.
Vande Bharat Express News : मुंबईहून अहमदाबादकडं (Mumbai Ahmedabad) जाणाऱ्या वंदे भारत सेमी हाय स्पीड एक्सप्रेसला (Vande Bharat Express) गुरुवारी सकाळी अपघात झाला. हा अपघात खूपच विचित्र असा होता. मणिनगर स्टेशनजवळ (Maninagar Station) म्हशींचा एक कळप रेल्वे रुळावर आला होता. यातल्या म्हशींना या एक्सप्रेसनं धडक दिली होती. यामुळं वंदे भारत एक्सप्रेसच्या इंजिनाकडील भागाची एक शीट निखळली होती.
दरम्यान, रेल्वेपटरी आणि स्टेशनच्या परिसरात जनावरांना आणण्यास मनाई असताना या म्हशी थेट ट्रेनवर येऊन धडकल्या. यामुळं आता म्हशींच्या मालकाविरोधात एफआयआर दाखल करण्यात आला आहे. वटवा रेल्वे स्टेशनचे (Vatva Railway Station) पोलीस अधिकारी प्रदीप शर्मा यांनी सांगितलं की, रेल्वेच्या हद्दीत घुसखोरी करणं आणि रेल्वेच्या संपत्तीचा गैरवापर करणं याबद्दल हा गुन्हा दाखल करण्यात आला आहे. गुन्हा दाखल झाला असला तरी म्हशींचा मालक कोण आहे हे अद्याप कळू शकलेलं नाहीय.
वंदे भारत या सेमी हायस्पीड एक्सप्रेसला झालेल्या अपघातात इंजिनाकडून नाकासारख्या दिसणाऱ्या भागाचं नुकसान झालं होतं. या भागाची मुंबई सेंट्रल इथं दुरुस्ती करण्यात आली आहे. या अपघातात या एक्सप्रेसच्या इंजिनाकडून भागाची एक शीट निखळली होती. ही शीट पुन्हा बसवण्यात आलीय. या अपघातात ट्रेनच्या अंतर्गत यंत्रणेवर कोणताही परिणाम झाला नसल्याचं सांगण्यात आलं आहे. दरम्यान, गुजरातची राजधानी असलेल्या गांधीनगर इथं पंतप्रधान नरेंद्र मोदी (Narendra Modi) यांनी हिरवा झेंडा दाखविल्यानंर ही एक्स्प्रेस 1 ऑक्टोबर पासून सुरु झाली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
