दीव: पॅरासिलिंग (Parasailing) करताना अचानक पॅराशूटची दोरी (parachute rope) तुटल्यामुळे एका जोडप्याला थरारक अनुभवाला सामोरं जावं लागलं. अजित काथड (३०) आणि त्यांची पत्नी सरला (३१) रविवारी दीवच्या नागोवा बीचवर पॅरासिलिंग करताना ही दुर्घटना घडली. सोशल मीडियावर या घटनेचा व्हिडीओ व्हायरल झाला आहे. पॅराशूट हवेत उंचावर असताना, अचानक दोरी तुटली आणि हे जोडपं समुद्रात पडलं.
गुजरातमधील हे जोडपं दीवला सुट्टया घालवण्यासाठी गेलं होतं. कुठलीही दुखापत न होता, सुदैवाने हे जोडप या अपघातातून बचावलं. अजित आणि सरला दोघांनी लाईफ जॅकेट घातलं होतं. दोघे समुद्रात पडल्यानंतर किनाऱ्यावर असलेल्या जीवरक्षकांनी त्यांना वाचवलं. दुर्घटनाग्रस्त पॅराशूट पावरबोटला जोडलेलं होतं.
दोरी तुटल्यानंतर दोघांनी मदतीसाठी आरडाओरडा सुरु केला, असं बोटीवर उपस्थित असलेले अजितचे मोठे भाऊ राकेश यांनी सांगितलं. "मी व्हिडीओ शूट करत होतो. दोरी तुटल्यानंतर काय करायचं हे मलाही समजलं नाही, असं त्यांनी सांगितलं. माझा भाऊ आणि वहिनीला उंचावरुन मी समुद्रात पडताना पाहिलं. त्या क्षणाला मी काहीच करु शकत नाही, ही खंत माझ्या मनात होती" असे राकेश म्हणाले. बीचवर असलेल्या जीवरक्षकांनी अखेर अजित आणि सरलाची सुटका केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
