Bihar Balcony Accident: लोक आर्केस्ट्रात दंग होते अन् अचानक कोसळली बाल्कनी, सुमारे 100 जण जखमी; भयंकर Video Viral

बिहारमधील छपरा येथे भीषण अपघात झाला आहे. याठिकाणी ऑर्केस्ट्रा सुरू असताना बाल्कनीचा काही भाग अचानक कोसळल्याने सुमारे 100 जण जखमी झाल्याची माहिती आहे.

ऑर्केस्ट्रा दरम्यान बाल्कनीचा काही भाग पडल्याने तेथे गोंधळाची परिस्थिती निर्माण झाल्याचे सांगण्यात येत आहे. जखमींचा नेमका आकडा उपलब्ध झाला नाही. वेगवेगळ्या मीडिया रिपोर्ट्समध्ये त्यांची संख्या वेगवेगळी सांगितली जात आहे.

पोलीस अधिकाऱ्यांच्या म्हणण्यानुसार, लोक डान्स पाहण्यासाठी जवळपासच्या घरांच्या बाल्कनीत चढले होते. यावेळी एका घराची बाल्कनी कोसळली. त्यामुळे त्यावर चढलेले लोक खाली पडले. खाली उभ्या असलेल्या लोकांनाही दुखापत झाली. सर्वांना इसुआपूर आरोग्य केंद्र रुग्णालयात दाखल करण्यात आले आहे. तर काहींची प्रकृती चिंताजनक आहे.

यापूर्वीही घडली होती अशीच घटना

बिहारमधील औरंगाबाद जिल्ह्यातील हरी बारी गावात जून 2022 मध्ये बाल्कनी कोसळून 24 हून अधिक जण जखमी झाले होते. ही घटना तेव्हा लोक वधूच्या घराच्या बाल्कनीतून जयमाला समारंभ (लग्न समारंभाचा एक भाग) पाहत होते.

दरम्यान, बाल्कनी कोसळली आणि त्यावर उभे असलेले लोक खाली पडले. बाल्कनी पडल्यानंतर जयमाला समारंभात गोंधळ उडाला. यावेळी लग्न समारंभात उपस्थित असलेले कोणीतरी रेकॉर्डिंग करत होते, त्यावेळी कॅमेऱ्यात ही घटना कैद झाली होती.