हरियाणामध्ये ऑक्टोबरमध्ये होणाऱ्या विधानसभा निवडणुकीत भाजपला सलग तिसऱ्यांदा विजय मिळवून देण्यासाठी राष्ट्रीय स्वयंसेवक संघाच्या (RSS) सर्व संलग्न संघटनांनी कंबर कसली आहे. तिकीट वाटपापासून निवडणुकीतील रणनीती तयार करण्यापर्यंत सर्वच बाबतीत संघाने पुढाकार घेतला आहे.
हरियाणाची ही विधानसभा निवडणूक जिंकण्यासाठी संघ भाजपला मिळणाऱ्या मतांची टक्केवारी वाढवणे आणि 60 टक्के जागांवर विजय मिळवण्यावर भर देत आहे. इतकेच नव्हे तर हो योजना सत्यात उतरवण्यासाठी 70 टक्के जागांवर नव्या चेहऱ्यांना संधी देण्याची सूचनाही संघाने भाजप हायकमांडला केली आहे.
संघाच्या सूत्रांच्या म्हणण्यानुसार, लोकसभा निवडणुकीतील भाजपच्या निराशाजनक कामगिरीचा आढावा घेतल्यानंतर असे समोर आले की कार्यकर्त्यांची नाराजी, अंतर्गत वाद, अतिआत्मविश्वास आणि समन्वयाचा अभाव यामुळे पक्ष अर्ध्याहून अधिक बूथमध्ये प्रतिस्पर्ध्यांपेक्षा मागे पडला आहे. ज्या बूथवर पक्षाचे उमेदवार पिछाडीवर पडले, त्याचे सर्वात मोठे कारण म्हणजे खराब व्यवस्थापन आणि कार्यकर्त्यांची उदासीनता असल्याचे वृत्त अमर उजालाने दिले आहे.
सूत्रांनी दिलेल्या माहितीनुसार, भाजप नेतृत्वाला संघाचा अहवाल मान्य नाही. त्यामुळे जुन्या नेत्यांवरच विश्वास दाखवावा, अशी भाजप नेतृत्वाची इच्छा आहे. भाजपने प्रत्येक जागेसाठी दावेदारांची यादी तयार केली आहे.
अशा स्थितीत 23 ऑगस्ट रोजी केंद्रीय निवडणूक समितीची बैठक घेऊन पक्ष पहिल्या यादीवर शिक्कामोर्तब करण्याची शक्यता आहे.
हरियाणात विधानसभा निवडणुकीच्या तारखा जाहीर झाल्या आहेत. राज्यातील विधानसभेच्या 90 जागांवर 1 ऑक्टोबरला मतदान होणार आहे. 4 ऑक्टोबर रोजी मतमोजणी होणार आहे.
दरम्यान, काँग्रेस आणि भाजपने राज्यात प्रचाराची आणि निवडणुकीची रणनीती बनवण्याची तयारी सुरू केली आहे. तिकीट वाटपाबाबतही दोन्ही पक्षांमध्ये हालचाली सुरू झाल्या आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
