चाहते तमिळ सिनेमाचा मेगास्टार विजयला थलापथी म्हणून ओळखतात. या अभिनेत्याने आता राजकारणात प्रवेश केला आहे. या वर्षाच्या सुरुवातीला, फेब्रुवारीमध्ये विजयने आपला नवीन राजकीय पक्ष, तमिझगा वेट्रिकझगम (TVK) स्थापन करण्याची घोषणा केली होती. आता त्याने एक पाऊल पुढे टाकले. चेन्नईच्या पायनूर येथील पक्षाच्या मुख्यालयात एका भव्य कार्यक्रमात पक्षाचा ध्वज आणि प्रतीक अधिकृतपणे लॉन्च केले. यावेळी पक्षाचे गीतही सादर करण्यात आले आहे. यावेळी अनेक मान्यवर उपस्थित होते.