Video: शेवटी आईचं काळीज! रेल्वे अंगावरुन जात असताना शरिराची ढाल करत मुलांना वाचवलं

व्हिडिओमध्ये दिसतंय की रेल्वे अंगावरुन जात असताना एक महिला आपल्या शरीराची ढाल करुन दोन लहान मुलांचं संरक्षण करत आहे.
viral video A woman and her two children
viral video A woman and her two children
Updated on

नवी दिल्ली- अंगावर काटा आणणारा एक व्हिडिओ सध्या सोशल मीडियावर व्हायरल होत आहे. बिहारमधील बाढ रेल्वे स्टेशनवरील हा व्हिडिओ आहे. व्हिडिओमध्ये दिसतंय की रेल्वे अंगावरुन जात असताना एक महिला आपल्या शरीराची ढाल करुन दोन लहान मुलांचं संरक्षण करत आहे. रेल्वे रुळावरुन जात असताना तिने आपल्या दोन्ही चिमुकल्यांना सुरक्षित ठेवलंय.

मिळालेल्या माहितीनुसार, महिला आणि तिची दोन लहान मुलं बेगुसराई येथून दिल्ली येथे निघाले होते. बागलपूर ते दिल्ली प्रवास करणारी विक्रमशीला एक्स्प्रेस रेल्वे फलाटावर आली होती. यावेळी मोठ्या प्रमाणात गर्दी झाल्याने महिला तिच्या दोन मुलांसह रुळावर पडली. (viral video A woman and her two children miraculously survived after a train went over them at Bihar railway station)

viral video A woman and her two children
Viral Video: काय सांगता! मगरीच्या तोंडातून चक्क जिवंत व्यक्ती आला बाहेर; काय आहे व्हिडिओचं सत्य?

तेथे असलेले लोक महिला आणि मुलांना मदत करु शकतील त्याआधीच रेल्वे स्टेशन सोडू लागली. त्यामुळे लोकांना काही करता आलं नाही. अशावेळी महिलेने आपल्या शरीराला ढाल करत दोन्ही मुलांचं संरक्षण केलं. रेल्वे आणि महिलेमध्ये अगदी काहीच इंचाचं अंतर असल्याचं व्हिडिओमध्ये दिसत आहे. रेल्वे महिलेच्या जवळून जात असल्याचं दिसत आहे.

रेल्वे जेव्हा पुढे जाते तेव्हा लोक त्यांना वाचवण्यासाठी रुळावर उड्या मारतात. महिला आणि लहान मुलांना बाहेर काढलं जातं. महिला आणि लहान मुलांना त्यानंतर हॉस्पिटलमध्ये दाखल करण्यात आले आहे. दरम्यान, सदर घटनेमुळे आई आपल्या जीवाची पर्वा न करता मुलांचं संरक्षण करत असते हे पुन्हा सिद्ध झालंय. (Latest Marathi News)

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.