Pulwama Attack : मलिकांच्या आरोपाप्रमाणे पुलवामा हल्ल्याकडे दुर्लक्ष झालं का? मोदी तेव्हा काय करत होते?

पुलवामा दहशतवादी हल्ल्याबाबत केंद्र सरकारने निष्काळजीपणा केल्याचा आरोप करत विरोधी पक्षांनी मोदी सरकारला घेरले आहे. राहुल गांधींपासून ते काँग्रेस नेत्यांपर्यंत सर्वांनी जम्मू-काश्मीरचे माजी राज्यपाल सत्यपाल मलिक यांची मुलाखत शेअर केली आहे. मलिक यांनी द वायरला मुलाखत दिली. या मुलाखतीने राजकीय वर्तुळात मोठा गदारोळ उडाला आहे.

विशेष म्हणजे मलिक यांच्या आरोपांवर सरकारने मौन बाळगले आहे. भाजपचे नेते किरकोळ मुद्द्यांवर विधाने करत असले तरी मलिकवर सगळेच गप्प आहेत. सत्यपाल मलिक यांनी म्हटले आहे की, फेब्रुवारी २०१९ चा पुलवामा दहशतवादी हल्ला, ज्यामध्ये ४० जवान शहीद झाले. हा नरेंद्र मोदी सरकारच्या “अक्षमता” आणि मोठ्या गुप्तचर यंत्रणेच्या अपयशाचा परिणाम होता.

मलिकांच्या या आरोपामुळे नरेंद्र मोदींच्या कार्यक्षमतेवर देखील प्रश्न उपस्थित होत आहेत. पुलवामा हल्ला झाला तेव्हा मोदी एका कार्यक्रमाचे शुट करत होते. विरोधकांनी मोदींर आरोप केले आहेत. पुलवामा दहशतवादी हल्ल्याच्या वेळी नरेंद्र मोदी डिस्कव्हरी टीव्ही शोच्या शूटिंगमध्ये व्यस्त होते.

पुलवामा येथे लष्कराचे ४० जवान शहीद झाले तरी देखील उत्तराखंडच्या दौऱ्यात असलेल्या पंतप्रधान मोदींनी शूटिंग पूर्ण केले, असा हल्ला झाल्यानंतरही काँग्रेसने हा मुद्दा उपस्थित केला होता. एवढेच नाही तर हल्ल्यानंतरही त्याने हे शूटिंग सुरू ठेवले.

मोदींच्या शुटबाबत शोचे होस्ट बेअर ग्रिल्स यांनी एक व्हिडिओ ट्विट केला होता. या ट्विटला रिट्विट करत काँग्रेसच्या प्रवक्त्या शमा मोहम्मद म्हणाल्या, "जेव्हा पुलवामामध्ये ४४ सीआरपीएफ जवान शहीद झाले, तेव्हा पंतप्रधान मोदी या कार्यक्रमाच्या शूटिंगमध्ये व्यस्त होते. ते इतका एन्जॉय करत होते की या घृणास्पद घटनेनंतरही त्यांनी शुटींग चालू ठेवले. ट्रेलरमध्येही तो बेफिकीरपणे हसताना दिसत आहे."

१४ फेब्रुवारीला झालेल्या या हल्ल्यानंतर काही दिवसांनी काँग्रेस आणि राहुल गांधी यांच्या नेतृत्वाखाली विरोधकांनी यासाठी पंतप्रधान मोदींवर निशाणा साधला होता. यादरम्यान त्यांनी सांगितले होते की, या दहशतवादी हल्ल्यात जवान शहीद झाले तेव्हा पंतप्रधान मोदी एका चित्रपटाच्या शूटिंगमध्ये व्यस्त होते.