नवी दिल्ली - काँग्रेसच्या नेत्या प्रियांका गांधी-वद्रा या वायनाडमध्ये उमेदवारी अर्ज भरत असताना पक्षाचे राष्ट्रीय अध्यक्ष मल्ल्किार्जुन खर्गे हे खोलीबाहेरून आत डोकावत असल्याचा व्हिडिओ व्हायरल झाल्यानंतर भाजप नेत्यांनी गांधी कुटुंबीयांवर टीका केली होती. मात्र, बनावट बातम्या पसरविण्यात भाजप पटाईत असून हा पक्ष पुन्हा खोटे बोलला आहे, अशी टीका करत, प्रियांका अर्ज भरताना खर्गे हे त्यांच्यासोबत बसले असल्याचे छायाचित्र प्रसिद्ध करत काँग्रेसने भाजपला प्रत्युत्तर दिले आहे.