बांगलादेश सीमेवर घुसखोरीविरोधात सतत मोहीम राबवली जात आहे.
10 एप्रिलच्या मध्यरात्री बांगलादेश (Bangladesh) आणि पश्चिम बंगालमधील भारत-बांगलादेश सीमेवरील (India-Bangladesh Border) उत्तर 24 परगना जिल्ह्यातून 6 बांगलादेशींना अटक करण्यात आलीय. बीएसएफ जवानांनी (BSF) ही कारवाई केलीय. अटक करण्यात आलेल्यांमध्ये तीन महिला, दोन पुरुष आणि एक लहान मुलाचा समावेश आहे. शनिवारी देखील बांगलादेशातून भारतात प्रवेश करताना सहा जणांना अटक करण्यात आली होती. दरम्यान, रविवारी तस्करांशी झालेल्या चकमकीत एक तस्कर ठार झाला असून, तिघांना अटक करण्यात आलीय.
बीएसएफनं जारी केलेल्या निवेदनात सांगितलं की, अटक केलेल्यांमध्ये जोयंता बिस्वास (वय 25, राघुनाथपूर, जि. गोपालगंज) रुमा (वय 35, पश्चिम दुमुरिया, जि. बारिसाल) मोसा फातिमा बेगम (वय 29, अलीपूर, जि. पाटुआखाली) मशरू जमान (वय 23, लुटिया, जि. नरेल) व त्यांची पत्नी तस्लिमा जमान (वय 22) आणि 19 महिन्यांचा मुलगा अराफत इस्लाम यांचा समावेश आहे.
बांगलादेश सीमेवर घुसखोरीविरोधात सतत मोहीम राबवली जात आहे. या प्रकरणात बीएसएफकडून दररोज बांगलादेशी घुसखोरांना अटक केली जात आहे. बांगलादेश सीमेवर बीएसएफनं पाळत आणि दक्षता वाढवलीय. रविवारी तस्करांशी झालेल्या चकमकीत एक तस्कर ठार झाला, तर तीन जणांना अटक करण्यात आलीय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
