कोलकता - ‘बंगालमध्ये मतदारांना मतदानापासून रोखण्यासाठी भाजपने भाडोत्री गुंड आणले आहेत, असा आरोप करीत मुख्यमंत्री ममता बॅनर्जी यांनी आज केला. पळी, उलथणे व स्वयंपाकाच्या इतर साधनांसह या गुंडांचा धैर्याने सामना करा, असे आवाहनही त्यांनी महिलांना केले.
नारायणगड आणि पिंगला येथील जाहीर सभेत बॅनर्जी यांनी सुवेंदू अधिकारी आणि त्यांचे कुटुंब विश्‍वासघातकी असल्याचा उल्लेख करीत या घरातील एक व्यक्ती पहिल्या टप्प्यातील मतदानापूर्वी काल रात्री लोकांना पैसे वाटप करीत असल्याचे दिसून आले.
- पुण्याच्या बातम्या वाचण्यासाठी येथे ► क्लिक करा
या भागातील महिलांनी त्याला पकडले आणि अटक करण्याची मागणी पोलिसांकडे केली. भाडोत्री ३० गुंडांना महिलांनी पोलिसांच्या ताब्यात दिले, असा दावा केला. सुवेंदू अधिकारी यांच्‍यावर टीका करताना ममता बॅनर्जी म्हणाल्या की, त्यांना मंत्रिमंडळात सर्वोच्च स्थान देण्यास मी जबाबदार आहे. पण त्यांनी टीएमसीला धोका देत भाजपशी संधान साधले. त्यांना पैशाचे आमिष दाखविण्‍यात आले. पहिल्या टप्प्यानंतरच भाजपचे भवितव्य ठरणार आहे, असा भाकीतही त्यांनी केला. राज्यात निवडणूक मुक्त व निष्पक्ष पद्धतीने घ्याव्यात, अशी विनंती बॅनर्जी यांनी निवडणूक आयोगाकडे केली.
ममतांचा आरोप
मतदानादरम्यान पंतप्रधान नरेंद्र मोदी हे बांगलादेशच्या दौऱ्यावर असून आज त्यांनी मथुआ समाजाच्या मंदिराला भेट देऊन लोकांशी चर्चाही केली. यावर निशाना साधत हे आचारसंहितेचे उल्लंघन असल्याची टीका बॅनर्जी यांनी आज केली. त्या म्हणाल्या की, येथे मतदान सुरू आहे ते (पंतप्रधान) बांगलादेशात भाषण देत आहेत. ही बाब आचारसंहितेचे उल्लंघन करणारी आहे.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.