केंद्रीय सुरक्षा दलाच्या जवानांनी मलय घटक यांच्या घराला चारही बाजूंनी घेरलं आहे.
West Bengal Coal Scam : पश्चिम बंगालमध्ये (West Bengal) ममता सरकारमधील (Mamata Government) कायदामंत्री मलय घटक (Malay Ghatak) यांच्या तीन ठिकाणांवर सीबीआयनं (CBI) छापे टाकले आहेत. कोळसा वाटप घोटाळ्याप्रकरणी (Coal Scam) हा छापा टाकण्यात आलाय.
सीबीआयचं पथक आसनसोलला पोहोचलं असून केंद्रीय सुरक्षा दलाच्या जवानांनी मलय घटक यांच्या घराला चारही बाजूंनी घेरलं असल्याची माहिती मिळत आहे. कोलकात्यासह सुमारे सात ठिकाणी सीबीआयनं छापा टाकला आहे. अंमलबजावणी संचालनालयानं (ED) तपासासंदर्भात मलय घटक यांचीही चौकशी केलीय. मलय घटक हे आसनसोल उत्तर मतदारसंघाचे आमदार आहेत.
कोळसा घोटाळ्यात घटक यांची काही भूमिका होती का, याचा शोध घेण्याचा प्रयत्न दोन्ही तपास यंत्रणा करत आहेत. या प्रकरणात ईडी मनी लाँड्रिंग आणि सीबीआय गुन्हेगारी पैलूंचा तपास करत आहे. आसनसोलजवळील कुनुस्टोरिया आणि कजोरा भागातील इस्टर्न कोलफिल्डच्या भाडेतत्त्वावरील खाणींमधून कोळशाची बेकायदेशीरपणे उत्खनन करण्यात आल्याचा आरोप त्यांच्यावर आहे.
पश्चिम बंगालमधील कोळसा घोटाळा प्रकरणाचा तपास सीबीआय आणि ईडी या दोन्ही संस्था करत आहेत. ईस्टर्न कोलफिल्ड्स लिमिटेड बंगालच्या पश्चिम भागात अनेक खाणी चालवते. अनेक वर्षांपासून अवैधरित्या उत्खनन केलेला कोळसा काळ्या बाजारात विकल्याचा आरोप आहे. या प्रकरणी केंद्रीय यंत्रणांनी अभिषेक बॅनर्जी आणि त्यांची पत्नी रुजिरा बॅनर्जी यांचीही चौकशी केलीय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
