विधानसभा निवडणूक पार पडल्यापासून बंगालमधील भाजपमध्ये सर्वकाही आलबेल नाहीये. टीएमसीमधून आलेले नेते भाजपची डोकेदुखी ठरु लागले आहेत.
कोलकाता- विधानसभा निवडणूक पार पडल्यापासून बंगालमधील भाजपमध्ये सर्वकाही आलबेल नाहीये. टीएमसीमधून आलेले नेते भाजपची डोकेदुखी ठरु लागले आहेत. दुसरीकडे, पक्षामध्ये बाहेरचे आणि आतमधले असा संघर्ष सुरु झाला आहे. मंगळवारी सुवेंदू अधिकारी दिल्लीतील भाजप हाय कमांडशी भेट घेत होते, त्याचवेळी बंगाल भाजपचे अध्यक्ष दिलीप घोष राज्य पदाधिकाऱ्यांची बैठक घेत होते. विशेष म्हणजे या बैठकीला वरिष्ठ नेते मुकुल रॉय आणि राजीव बॅनर्जी उपस्थित नव्हते. त्यामुळे विविध चर्चांना तोंड फुटलं आहे. मुकुल रॉय पोस्ट कोविड तक्रारीमुळे विलगीकरणात आहेत, तर राजीव बॅनर्जी यांनी व्यक्तिगत कारण देत बैठकीला दांडी मारली. (west bengal bjp unit suvendu adhikari delhi and dilip ghosh meeting tmc)
अनेक आमदार आणि खासदारांची घरवापसी इच्छा
विधानसभा निवडणुकीतील पराभवामुळे भाजपमध्ये अस्वस्थता आहे. तृणमूल काँग्रेसमधून आलेले नेते परत जाण्यासाठी इच्छुक आहेत. माजी आमदार सोनाली गुहा, फुटबॉलर ते पॉलिटिशियन झालेले दिपेंदु विश्वास यांना पुन्हा टीएमसीमध्ये जायचं आहे. अनेक नावे सध्या चर्चेत आहेत. स्थानिक माध्यमानुसार टीएमसीच्या संपर्कात असणाऱ्या नेत्यांची संख्या 10 वरुन 33 वर पोहोचली आहे.
बाहेरच्यांना महत्व मिळत असल्याने जुने भाजप नेते नाराज
विधानसभा निवडणुकीच्या पार्श्वभूमीवर अनेक टीएमसी नेते भाजपमध्ये आले. पण, भाजपचे जुने नेते आणि कार्यकर्ते यांनी त्यांचा स्वीकार केलेला नाही. शिवाय बाहेरुन आलेल्या नेत्यांना महत्व मिळत असल्याने भाजपचे वरिष्ठ नेते नाराज आहेत. नुकतेच बाहेरुन आलेले सुवेंदू अधिकारी यांना महत्त्वाची जबाबदारी दिली जात आहे. तसेच विधानसभा निवडणुकीवेळी अनेक नेत्यांना डावलून भाजपने टीएमसीमधून आलेल्या नेत्यांना तिकिट दिले होते. सुवेंदू अधिकारी आणि मुकुल रॉय यांच्यात कोल्ड वॉर सुरु असल्याची माहिती आहे.
मुकुल रॉय भाजपसाठी डोकेदुखी
मुकुल रॉय सध्या भाजपमध्ये अस्वस्थ असल्याचं कळत आहेत. शिवाय टीएमसीने त्यांच्याकडे मैत्रिचा हात पुणे केलाय. काही दिवसांपूर्वी ममता बॅनर्जींचे पुतणे अभिषेख बॅनर्जी यांनी मुकुल रॉय यांची हॉस्पिटलमध्ये भेट घेतली होती. या भेटीमुळे भाजपमध्ये खळबळ उडाली आहे. पंतप्रधान नरेंद्र मोदी यांनी स्वत: फोन करुन याबाबत मुकुल रॉय यांच्याशी चर्चा केली होती. विधानसभेच्या पराभवातून सावरु न शकलेल्या भाजपला पक्षांतर्गत समस्या जाणवत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
