लोकसभा सचिवालयानं काल राहुल गांधी यांच्या अपात्रतेची अधिसूचना दिली आणि आता पोटनिवडणुकांच्या तारखा जाहीर करणं निवडणूक आयोगावर अवलंबून आहे.
काँग्रेस नेते राहुल गांधी (Congress leader Rahul Gandhi) यांना खासदार म्हणून अपात्र ठरवण्यात आलंय. यानंतर आता रिक्त झालेल्या केरळमधील वायनाड लोकसभा (Kerala Wayanad) जागेसाठी पोटनिवडणूक सप्टेंबरपर्यंत होण्याची शक्यता आहे.
आता सर्वांचं लक्ष निवडणूक आयोगाकडं लागलं आहे. मानहानीच्या एका प्रकरणात दोषी ठरल्यानंतर आणि दोन वर्षांच्या तुरुंगवासाची शिक्षा सुनावल्यानंतर गुजरातमधील सुरत न्यायालयानं (Surat Court) राहुल गांधींना गुरुवारी अपात्र ठरवलं. या निकालाविरोधात अपील करण्यासाठी काँग्रेस नेत्याला 30 दिवसांचा जामीन मंजूर करण्यात आला आहे.
लोकप्रतिनिधी कायदा 2015 च्या कलम 151A नुसार, संसद आणि विधानसभांच्या रिक्त जागांसाठी पोटनिवडणूक जागा रिक्त झाल्यापासून सहा महिन्यांच्या आत घेण्यात यावी, असं तज्ञांचं मत आहे. याच कायद्यानुसार राहुल गांधींना खासदारकीतून हटवण्याचा मार्ग मोकळा झाला. कायद्याचं कलम 8(3) म्हणतं की, संसद सदस्याला दोन वर्षांपेक्षा कमी कालावधीसाठी फौजदारी गुन्ह्यासाठी दोषी ठरवलं असल्यास तो अपात्र ठरतो.
लोकसभा सचिवालयानं काल राहुल गांधी यांच्या अपात्रतेची अधिसूचना दिली आणि आता पोटनिवडणुकांच्या तारखा जाहीर करणं निवडणूक आयोगावर अवलंबून आहे. लोकसभेच्या आता जालंधर, लक्षद्वीप आणि वायनाड या तीन जागा रिक्त आहेत. सप्टेंबरपर्यंत वायनाड जागेसाठी पोटनिवडणूक (Wayanad Lok Sabha By-Election) होण्याची शक्यता आहे. राहुल गांधींनी 2019 मध्ये उत्तर प्रदेशमधील अमेठीची जागा गमावली आणि त्यांच्या दुसऱ्या जागेवरून वायनाडमधून लोकसभेवर ते निवडून गेले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
