Gaganyaan Mission Latest News : पंतप्रधान नरेंद्र मोदी यांनी मंगळवार (२७ फेब्रुवारी) रोजी तिरुअनंतपुरममधील विक्रम साराभाई स्पेस सेंटर (VSSC) येथून गगनयान मिशन अंतर्गत अंतराळात जाणार आहेत त्या ४ अंतराळवीरांची नावे जाहीर केली. यावेळी पंतप्रधानांनी या सर्वांची भेटही घेतली. पीएम मोदींनी जाहीर केलेल्या नावांमध्ये शुभांशु शुक्ला, अंगद प्रताप, प्रशांत नायर आणि अजित कृष्णन यांचा समावेश आहे.
PM मोदींनी अंतराळवीरांना विंग्ज घालू जगासमोर सादर केले. यामध्ये ग्रुप कॅप्टन प्रशांत बालकृष्णन नायर हे कोण आहे हे आपण जाणून घेणार आहोत. प्रशांत नायर हे केरळचे रहिवासी आहेत. त्यांना रशियामध्ये मानवी अंतराळ मोहिमेसाठी प्रशिक्षण देण्यात आले होते. ते मूळचे केरळ राज्यातील पलक्कडच्या नेनमारा येथील आहेत आणि हवाई दलात ग्रुप कॅप्टन म्हणून कार्यरत आहे.
मल्याळम डेली मातृभूमीने दिलेल्या रिपोर्टनुसार, त्यांनी नॅशनल डिफेंस अकॅडमीमधून पदवी प्राप्त केली आहे. त्यांनी अलबामा येथील यूएस एअर कमांड अँड स्टाफ कॉलेजमधून फस्ट रँकसह पदवी प्राप्त केली आणि १९९९ मध्ये एक कमिशन्ड ऑफिसर म्हणून हवाई दलात सामील झाले. ते फायटर पायलट आहेत. रशियामध्ये प्रशिक्षणासोबतच त्यांनी बंगळुरू येथील ह्युमन स्पेसफ्लाइट सेंटरमध्येही प्रशिक्षण घेतले आहे. (Who Is Captain Prashant Nair)
इस्रोने या मोहिमेसाठी शेकडो वैमानिकांची चाचणी घेतली होती, त्यापैकी केवळ १२ वैमानिकांची निवड करण्यात आली होती. प्रथम स्तरावरील चाचणी उत्तीर्ण झालेल्या १२ वैमानिकांची इन्स्टिट्यूट ऑफ एरोस्पेस मेडिसिन (IAM) साठी निवड करण्यात आली. यानंतर चाचणीच्या अनेक फेऱ्या झाल्या आणि त्यानंतर इस्रो आणि हवाई दलाने या ४ वैमानिकांची निवड केली आणि त्यात प्रशांत बालकृष्णन नायर यांचाही समावेश आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
