Who is Harsha Sai and How he get Money : इंटरनेटच्या जगात दररोज काहीतरी नवीन घडताना पाहायला मिळते. सोशल मीडियाच्या जोरावर अनेक जण तुफान प्रसिद्ध होतात आणि सोबतच कोट्यवधींची संपत्ती देखील कमवतात. पण रस्त्यावर गरीबांना पैसे वाटणाऱ्या एक इफ्लून्सरचा व्हिडीओ समोर आला आहे. इतकंच नाही तर हा व्हिडीओ12.2 कोटी वेळा पाहिला गेला आहे. या व्हिडीओला इंस्टाग्रामवर तब्बल 122 मिलीयन व्ह्यूज मिळाले आहेत. या सोशल मीडीया स्टारचं नाव हर्षा साई असं आहे.
हा हर्षा साई नेमका आहे कोण? आणि तो इतका प्रसिद्ध कसा झाला? त्याच्याकडे इतका पैसा येतो कुठून हेच आपण जाणून घेणार आहोत.
हर्षा साई हा एक भारतीय यूट्यूबर आहे जो मोठ्या प्रमाणात सामाजिक कार्य करतो. आपल्या व्हिडीओमध्ये तो अनेकदा लोकांची मदत करताना किंवा द्यांना पैसे वाटताना पाहायला मिळतो. त्याचे व्हिडीओ अशाच प्रकारचे असतात. हर्षा साई याचे युट्यूबवर 10 मिलीयनहून अधिक फॉलोअर्स आहेत.
हर्षा साई हा डिजीटल प्लॅटफॉर्मवर खूप प्रसिद्ध नाव आहे. हा तरुण युट्यूबर, मोटिव्हेशनल स्पीकर, सामाजिक कार्यकर्ता आणि अभिनेता आहे.
हर्षा साई फॉर यू या नावाने त्याने युट्यूब चॅनल सुरू केलं आणि हळूहळू त्याला चांगलीच प्रसिद्धी मिळत गेली. गरीब लोकांना मदत करतानाचे व्हिडीओ तो त्याच्या युट्यूब चॅनलवर अपलोड करतो. या व्हिडीओंना चांगलीच प्रसिद्धी मिळत गेली. त्याचे युट्यूब आणि इंस्टाग्रामवर दहा मिलीयनहून अधिक फॉलोअर्स आहेत. हर्षा साई याच्या माध्यमातूनच भरपूर पैसे मिळवतो.
हर्षा साईची कमाई मुख्यत्वे युट्यूब (YouTube) जाहिरातींमधून मिळणाऱ्या कमाईतून आले आहे. मीडिया रिपोर्ट्सनुसार हर्षा साई याची मासिक कमाई 3 ते 8 लाख रुपये (अंदाजे $4,000 ते $10,000) पर्यंत आहे. मात्र, हे आकडे अंदाजे आहेत, त्याचे वास्तविक उत्पन्न वेगळे असू शकते.
इंटरनेटच्या जगात हर्षा साई हा प्रसिद्ध आहेच, मात्र त्याच्या खासगी आयुष्याबद्दल फारशी माहिती उपलब्ध नाहीये. त्याचे घर आणि इतर वैयक्तिक बाबींची माहिती ऑनलाइन सहज उपलब्ध नाही.
हर्षा साई हा युट्यूबच्या पलीकडे देखील ओळखला जातो. नुकतेच तेलुगु चित्रपट 'MEGA lo Don' (डॉन इन द स्काय) या चित्रपटाच्या माध्यामातून त्याने अभिनय क्षेत्रात देखील प्रवेश केला आहे. याव्यतिरिक्त, तो मोटिव्हेशनल स्पीकर आणि सामाजिक कार्यात देखील सक्रियपणे भाग घेतो. अनेकांसाठी प्रेरणादायी असलेला हर्षा साई हा इंडियन मिस्टर बीस्ट (Mister Beast) म्हणून देखील ओळखला जातो.
हर्षा साईंचे कार्य अनेकांसाठी प्रेरणादायी असले तरी, त्याच्या कडून शेअर करण्यात आलेला कंटेट नेहमीच अस्सल नसतो. त्यामुळे त्याच्या व्हिडीओकडे पाहून कुठलही मत बनवण्यापूर्वी त्याच्याविषयी खोलात महिती घेण्याचा सल्ला दिला जातो. (Harsha Sai Biography)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
