Parliament Session 2024: अयोध्येत भाजपचा पराभव का झाला? राहुल गांधी यांनी सभागृहाच सांगितली कारणं

संसदेत राष्ट्रपतींच्या अभिभाषणावरील चर्चेदरम्यान लोकसभेतील विरोधी पक्षनेते राहुल गांधी यांच्या भाषणावरून मोठा गदारोळ झाला. भाषणावरील चर्चेदरम्यान, सत्ताधारी पक्षाच्या खासदारांनी 'हिंदूंचा अपमान' केल्याबद्दल राहुल गांधींविरोधात गोंधळ घातला. तेव्हा त्यांनी अयोध्येतील भाजपच्या पराभवावर भाष्य केलं आहे. अयोध्येचे सपा खासदार अवधेश प्रसाद यांना विचारलेल्या गोष्टींचा संदर्भ देत ते म्हणाले की, प्रसाद यांनीच मला राम नगरीमध्ये भाजपच्या पराभवाची सर्व कारणे सांगितली आहेत.

राहुल गांधी म्हणाले की, 'मी जेव्हा अवधेशजींना विचारले की अयोध्येत भाजपचा पराभव कसा झाला, तेव्हा त्यांनी सांगितले की भाजपने राम मंदिराचे उद्घाटन केले. मी त्यांना विचारले असता त्यांनी सांगितले की, अयोध्येतील जनतेने हा संदेश दिला आहे. जेव्हा मी अवधेश जी यांना विचारले की, तुम्ही जिंकत आहात हे तुम्हाला केव्हा कळले, तेव्हा ते म्हणाले की, मला पहिल्या दिवसापासूनच माहित आहे की मी जिंकत आहे.

राहुल गांधी पुढे म्हणाले की, अयोध्येत विमानतळ बांधताना अवधेश प्रसाद यांनी सांगितले की, लोकांकडून जमीन हिसकावण्यात आली आणि आजपर्यंत त्यांना नुकसानभरपाई मिळालेली नाही. अयोध्येतील सर्व छोटी दुकाने आणि इमारती पाडण्यात आल्या. त्या लोकांना रस्त्यावर आणले. अयोध्येतील जनतेला राम मंदिराच्या उद्घाटनालाही निमंत्रित न केल्याने खूप वाईट वाटले.

राहुल पुढे म्हणाले की, 'नरेंद्र मोदींनी अयोध्येतील लोकांच्या मनात भीती निर्माण केली. त्यांची घरे हिसकावून घेतली, त्यांच्या जमिनी घेतल्या. आणि मग गरीब, शेतकरी, मजूर यांना राम मंदिराच्या उद्घाटनालाही बोलावले नाही.

राहुल सांगतात की, 'त्यांनी आणखी एक गोष्ट सांगितली की, पंतप्रधान नरेंद्र मोदी यांनीही तीनदा अयोध्येतून निवडणूक लढवली, तर सर्वेतील लोकांनी त्यांना तिथून निवडणूक लढवू नका, कारण तिथली जनता तुम्हाला पराभूत करतील.