'ब्राह्मण जीन्स' हा मुद्दा गेल्या काही दिवसांपासून चांगलाच चर्चेत आहे. एका कंटेट मार्केटिंग कंपनीच्या सीईओ अनुराधा तिवारी यांनी 'ब्राह्मण जीन्स' असे कॅप्शन देत स्वतःचा एक फोटो पोस्ट केला होता. या पोस्टनंतर गेल्या काही दिवसांपासून सोशल मीडियावर जोरदार चर्चा होत आहे. यादरम्यान या प्रकरणावर लेखक चेतन भगत यांनी आपलं मत व्यक्त केले आहे. त्यांनी सोशल मीडिया प्लॅटफॉर्म एक्सवर पोस्ट लिहिली आहे. ज्यामध्ये त्यांनी अनुराधा तिवारी यांच्या पोस्टला राजकीय वळण दिलं आहे.