मधुचंद्रानंतर पत्नीने पतीला म्हटले नपुंसक; मग घडला हा प्रकार...

शाहजहांपूर : मधुचंद्रानंतर (सुहागरात) पत्नीने पतीला नपुंसक (impotent) म्हटले. पतीला नपुंसक म्हटल्याने सासरच्यांनी तिला मारहाण केली. यामुळे चिडलेल्या पत्नीने पतीसह सासरच्या आठ जणांविरुद्ध फसवणुकीसह विविध कलमान्वये गुन्हा दाखल केला आहे. सध्या पोलिस या प्रकरणाचा तपास करीत आहे. ही घटना उत्तर प्रदेशातील शाहजहांपूरमध्ये घडली. (wife called the husband impotent uttar pradesh)

प्राप्त माहितीनुसार, पुवाण पोलिस ठाण्याच्या हद्दीतील तरुणीचा विवाह ५ जून रोजी पोलिस ठाणे सदर बाजार भागातील तरुणाशी झाला होता. या लग्नात वधूच्या कुटुंबीयांनी दहा लाख रुपये हुंडाही दिला होता. मधुचंद्राच्या दिवशी नवरा नपुंसक असल्याचे वधूला समजले. याची माहिती तिने ननदला दिली. यामुळे सासरच्यांनी तिला मारहाण केली.

‘सासरच्या लोकांनी मारहाण केली. पती नपुंसक (impotent) असल्याचे कोणालाही सांगितले तर ठार मारण्याची धमकी दिली’ असे तिने सांगितले. ठार मारण्याची धमकी (Threat) दिल्याने गप्प राहिली. महिला माहेरी आल्यावर घरच्यांना संपूर्ण प्रकार सांगितला. यानंतर पोलिस ठाण्यात तक्रार दाखल केली. तक्रार मिळाल्यानंतर पोलिसांनी पती, सासरा, मेहुणा, भावजय अशा आठ जणांविरुद्ध गुन्हा दाखल केला आहे.

पती आणि सासरच्या मंडळींनी काही गोष्टी लपवून फसवणूक करून लग्न केले. तसेच मारहाण करून हुंड्याची मागणी केली, अशी तक्रार पत्नीने दिले. तिच्या तक्रारीवरून गुन्हा दाखल करून तपास सुरू केल्याचे एसपी ग्रामीण संजीव बाजपेयी यांनी सांगितले.

काही दिवसांपूर्वी मध्यप्रदेशात घडला होता असाच प्रकार

काही दिवसांपूर्वी मध्य प्रदेशातील शिवपुरी जिल्ह्यात मधुचंद्राच्या रात्री वराला वधूच्या पोटावर टाके दिसले. थोडी शंका आली. परंतु, नवरा काहीही बोलला नाही. लग्नानंतर काही दिवसांनी पत्नी माहेरी गेली. मात्र, बरेच दिवस झाले तरी पती तिला घेण्यासाठी गेला नाही. दुसरीकडे पत्नीने पतीविरुद्ध हुंड्यासाठी छळ केल्याचा गुन्हा दाखल केला. तपासात गुंतलेल्या पतीला लग्नापूर्वी पत्नीने अशोकनगर येथील खासगी रुग्णालयात उपचार केल्याचे समजले. पतीने माहितीच्या अधिकाराचा (आरटीआय) सहारा घेतला. आरटीआयमधून मिळालेली माहिती पाहून ते थक्क झाला.