लखनऊ - 'पती पत्नी और वो'सारखे प्रकार अनेकदा घडतात. यात कधी पती तर कधी पत्नी तिसऱ्या व्यक्तीसोबत रंगेहात सापडली की मग राडा होतो. आताही असाच काहीसा प्रकार उत्तर प्रदेशातील बांदा जिल्ह्यात घडला आहे. यामध्ये एका महिलेनं तिच्या पतिविरोधात तक्रार देण्यासाठी पोलिसात गेली होती. तिने पोलिसांना सांगितलं की, पती त्याच्या गर्लफ्रेंडसोबत मंदिराबाहेर कारमध्ये बसून डोसा खात होता.
याप्रकरणी पोलिसांनी तक्रार नोंदवून घेण्यास नकार दिला. मात्र तिच्या पतीला समज देऊन सोडून देण्यात आलं. पोलिसांनी दिलेल्या माहितीनुसार, महिलेनं पतीवर आरोप केला की ज्युनिअर इंजिनिअर असलेला पती त्याच्या गर्लफ्रेंडला घेऊन मंदिरात गेला होता. तिला डोसा दिला आणि कारमध्ये खात बसले होते.
पती त्याच्या गर्लफ्रेंडला डोसा देत असताना त्याचवेळी संबंधित महिला त्याठिकाणी पोहोचली. तेव्हा महिलेचा भाऊ तिच्यासोबत होता. दोघांनी त्याला गर्लफ्रेंडसोबत पकडलं. त्यानंतर दोघांनाही जवळच्या पोलिस ठाण्यात नेण्यात आं आणि पोलिसांकडे तक्रार केली.
याबाबत मिळालेली माहिती अशी की, पत्नीने पतीवर विवाहबाह्य संबंध असल्याचा आरोप केला आहे. त्याचे अनेक महिलांशी संबंध असून तो त्या महिलांसोबत फिरतो असंही म्हटलं आहे. दुसऱ्या बाजुला पत्नीने गर्लफ्रेंडसोबत पकडल्यानं पती मात्र यावर काही समाधानकारक उत्तर देऊ शकला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.