प्रयागराज (उत्तर प्रदेश): एकतर्फी प्रेमातून एका युवकाने युवतीला भेटायला बोलावले आणि अज्ञात ठिकाणी घेऊन गेला. तिने प्रेमास नकार दिल्यानंतर त्याने गळा दाबून खून केला. याप्रकरणी युवकाला अटक करण्यात आली आहे.
पोलिसांनी दिलेल्या माहितीनुसार, पीपल गावामध्ये ही घटना घडली आहे. गावामध्ये राहाणारा प्रीतम यादव हा हेमावर एकतर्फी प्रेम करत होता. हेमा एका मॉलमध्ये तर प्रीतम हा शाळेची मोटार चालवण्याचे काम करत होता. प्रीतम हा हेमाला त्रास देत होता. याबद्दल त्याला अनेकदा समाजवून सांगण्यात आले होते. पंरतु, तो ऐकत नव्हता. हेमाचा विवाह ठरल्याची माहिती त्याला मिळाली होती. प्रीतमने हेमाला फोन करून तुझ्याशी शेवटचे बोलायचे आहे, असे म्हणून बोलावले. हेमाला दुचाकीवर बसवून अज्ञात ठिकाणी घेऊन गेला. दिवसभर त्याने हेमाला थांबवून ठेवले. तिने प्रेमाला नकार दिल्यानंतर त्याने गळा दाबून खून केला व मृतदेह रेल्वे रुळावर टाकून दिला होता.
पोलिसांनी तपास सुरू केल्यानंतर प्रीतमची माहिती पुढे आली. चौकशीसाठी त्याला ताब्यात घेतल्यानंतर त्याने खूनाची कबुली दिली. याबाबतचा पुढील तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.