रेल्वेमध्ये सरकारी नोकरीच्या शोधात असलेल्या आयटीआय, डिप्लोमाधारक उमेदवारांसाठी मोठी संधी चालून आली आहे.
सोलापूर : रेल्वेमध्ये सरकारी नोकरीच्या शोधात असलेल्या आयटीआय (ITI), डिप्लोमाधारक उमेदवारांसाठी मोठी संधी चालून आली आहे. उत्तर रेल्वेने (Northern Railway) हजारो अप्रेंटिस (Apprentice) पदांसाठी अर्ज मागवले आहेत. अप्रेटिस पदांच्या एकूण 3093 जागांची भरती केली जाणार आहे. यासाठी ऑनलाइन अर्ज करण्याची तारीख 20 सप्टेंबरपासून सुरू झाली असून, अर्ज करण्याची शेवटची तारीख 20 ऑक्‍टोबर 2021 आहे. इच्छुक आणि पात्र उमेदवार आरआरसी उत्तर रेल्वेच्या वेबसाइटला भेट देऊन अर्ज भरू शकतात.
या तारखा लक्षात ठेवा
अर्ज प्रक्रिया सुरू झाल्याची तारीख : 20 सप्टेंबर 2021
अर्ज करण्याची शेवटची तारीख : 20 ऑक्‍टोबर 2021
अप्रेंटिस पदांसाठी ही आहे पात्रता
कोणत्याही मान्यताप्राप्त संस्थेतून संबंधित ट्रेडमध्ये आयटीआय डिप्लोमा पूर्ण केलेले उमेदवार अर्ज करू शकतात.
या पदांसाठी वयोमर्यादा
उत्तर रेल्वेने अप्रेंटिस पदांसाठी जारी केलेल्या अधिसूचनेत उमेदवाराचे वय 15 ते 24 वर्षांच्या दरम्यान असावे, असे नमूद करण्यात आले आहे.
अर्जासाठी शुल्क
या पदांसाठी अर्ज करणाऱ्या उमेदवारांना 100 रुपये अर्ज शुल्क भरावे लागेल. एससी, एसटी, दिव्यांग आणि महिला उमेदवारांसाठी अर्ज विनामूल्य आहे.
अशी होईल निवड प्रक्रिया
उत्तर रेल्वेने अप्रेंटिस पदांसाठी जारी केलेल्या अधिसूचनेनुसार, सर्व उमेदवारांचे हायस्कूल आणि आयटीआय गुण एकत्र करून गुणवत्ता यादी तयार केली जाईल. या गुणवत्ता यादीत स्थान मिळवणाऱ्यांना कागदपत्र पडताळणीसाठी बोलावले जाईल. जे प्रक्रिया पूर्ण करतील त्यांची निवड केली जाईल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
