NVS ने JNVST 2022 साठी अर्ज करण्याची अंतिम तारीख 15 नोव्हेंबर 2021 पर्यंत वाढवली आहे. अशा परिस्थितीत अद्याप अर्ज न केलेल्या उमेदवारांना आता आणखी एक संधी आहे.
सोलापूर : नवोदय विद्यालय समितीने (Navodaya Vidyalaya Samiti - NVS) ने जवाहर नवोदय विद्यालयातील इयत्ता नववीच्या प्रवेशाकरिता जवाहर नवोदय विद्यालय निवड चाचणी (Jawahar Navodaya Vidyalaya Selection Test - JNVST) 2022 साठी 31 ऑक्‍टोबर 2021 रोजी संपलेल्या शेवटच्या तारखेपर्यंत अर्ज मागवले होते. मात्र अजूनही तुम्ही अर्ज सादर केले नसल्यास ही तुमच्यासाठी नवीन अपडेट आहे. NVS ने JNVST 2022 साठी अर्ज करण्याची अंतिम तारीख 15 नोव्हेंबर 2021 पर्यंत वाढवली आहे. अशा परिस्थितीत अद्याप अर्ज न केलेल्या उमेदवारांना आता आणखी एक संधी आहे. NVS ने जाहीर केलेल्या वेळापत्रकानुसार, JNVST 2022 इयत्ता नववीच्या प्रवेशासाठी 9 एप्रिल 2022 रोजी प्रवेश परीक्षा घेण्यात येणार आहे.
'या' स्टेप्सनुसार करा अर्ज
JNVST 2022 च्या वर्ग नववीच्या अर्जासाठी उमेदवारांनी NVS द्वारे तयार केलेल्या nvsadmissionclassnine.in या विशेष वेबसाइटला भेट देणे आवश्‍यक आहे. यानंतर नोंदणीच्या लिंकवर क्‍लिक करा आणि नंतर विचारलेले तपशील भरून, उमेदवार नोंदणी करण्यास सक्षम होतील. यानंतर, उमेदवार त्यांचे वापरकर्ता नाव आणि पासवर्डच्या मदतीने लॉग इन करून त्यांची नोंदणी पूर्ण करू शकतील.
JNVST 2022 वर्ग नववीसाठी कोण अर्ज करू शकतो?
NVS द्वारे जारी केलेल्या JNVST 2022 वर्ग नववीच्या प्रॉस्पेक्‍टसनुसार, मान्यताप्राप्त शाळेत 2021-22 या शैक्षणिक वर्षात आठव्या वर्गात शिकणारे विद्यार्थी अर्ज करण्यास पात्र आहेत. मागील शैक्षणिक वर्षात इयत्ता आठवी उत्तीर्ण झालेले विद्यार्थी अर्ज करू शकत नाहीत. तसेच, विद्यार्थ्याचा जन्म 1 मे 2006 च्या पूर्वी आणि 30 एप्रिल 2010 नंतर झालेला नसावा. समान वयोमर्यादा सर्व प्रवर्गातील विद्यार्थ्यांना लागू असेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
